१४ व १५ ऑक्टोबर रोजी रोजगार मेळावाउद्योग व आस्थापना प्रमुखांनी सहभागी व्हावे रिक्त पदांच्या मनुष्यबळासाठी मागणी पत्र सादर करा जिल्हाधिकाऱ्यांचे आवाहन
१४ व १५ ऑक्टोबर रोजी रोजगार मेळावा
उद्योग व आस्थापना प्रमुखांनी सहभागी व्हावे
रिक्त पदांच्या मनुष्यबळासाठी मागणी पत्र सादर करा
जिल्हाधिकाऱ्यांचे आवाहन
वाशिम, दि. 28 (जिमाका) : कौशल्य, रोजगार व उद्योजकता व नाविन्यता विभागाचे मंत्री मंगलप्रभात लोढा यांच्या संकल्पनेतून " महाराष्ट्र स्टार्टअप, रोजगार उद्योजकता सप्ताह " १५ ते १९ ऑक्टोबर या कालावधीत आयोजित करण्यात आला आहे. या निमित्ताने राज्यातील उमेदवारांना विविध क्षेत्रात निर्माण होत असलेल्या रोजगाराच्या संधी उपलब्ध करून देण्याच्या उद्देशाने १४ व १५ ऑक्टोबर रोजी वाशिम येथील राजस्थान आर्य महाविद्यालयात रोजगार मेळाव्याचे आयोजन करण्यात आले आहे.
जिल्हा कौशल्य विकास, रोजगार व उद्योजकता मार्गदर्शन केंद्र, वाशिम या कार्यालयाकडून जिल्ह्यातील नोकरी इच्छुक स्त्री-पुरुष उमेदवारांना रोजगाराच्या संधी प्राप्त व्हाव्यात या उद्देशाने जिल्ह्यातील व जिल्ह्याबाहेरील नियोक्ते/ आस्थापना प्रमुखांना त्यांच्या आस्थापनातील रिक्त पदांवर मनुष्यबळ घेण्याकरिता मागणी पत्र सादर करावे.
ज्या उद्योगात किंवा आस्थापनांवर रिक्त पदे आहेत, त्यांच्या प्रमुखांनी मनुष्यबळाची पूर्तता करण्यासाठी पदाचे नाव, पदसंख्या, शैक्षणिक/ तांत्रिक पात्रता वयोमर्यादा व मानधन इ. बाबीचा समावेश करून ५ ऑक्टोबर २०२२ पूर्वी जिल्हा कौशल्य विकास, रोजगार व उद्योजकता मार्गदर्शन केंद्र, प्रशासकीय इमारत, जिल्हाधिकारी कार्यालय परिसर, वाशिम येथे प्रत्यक्षपणे किंवा washimrojgar@gmail.com याई-मेलवर मागणी पत्र सादर करावे. असे आवाहन जिल्हाधिकारी षण्मुगराजन एस. यांनी केले आहे.
रोजगार मेळाव्याच्या अधिक माहितीकरिता जिल्हा कौशल्य विकास, रोजगार व उद्योजकता मार्गदर्शन केंद्राच्या सहाय्यक आयुक्त श्रीमती सुनंदा बजाज यांच्याशी किंवा अतिश घुगे (९४०३८७२२४५), दीपक भोळसे (९७६४७९४०३७) व प्रतीक बाराहाते (९०९६८५५७९८) यांच्याशी संपर्क साधावा.
*******
Comments
Post a Comment