जिल्हा माहिती कार्यालय, वाशिम

महात्मा जोतीराव फुले द्विशताब्दी जन्मवर्ष : समता, शिक्षण आणि सामाजिक परिवर्तनाचा विचार पुढे नेऊया! महात्मा जोतीराव फुले हे भारतीय समाजसुधारणेच्या इतिहासातील क्रांतिकारी विचारवंत, थोर समाजसुधारक आणि शिक्षणप्रसाराचे अग्रदूत होते. स्त्रीशिक्षण, बहुजनांचे शिक्षण, सामाजिक समता आणि शोषित-वंचितांच्या हक्कांसाठी त्यांनी आपले संपूर्ण आयुष्य समर्पित केले. १८४८ मध्ये पुण्यात मुलींसाठी पहिली शाळा सुरू करून त्यांनी स्त्रीशिक्षणाच्या नव्या पर्वाची मुहूर्तमेढ रोवली. शिक्षण हे सामाजिक परिवर्तनाचे प्रभावी साधन आहे, हा विचार त्यांनी आपल्या कार्यातून समाजासमोर मांडला. सावित्रीबाई फुले यांच्या सहकार्याने त्यांनी स्त्रीशिक्षण आणि सामाजिक सुधारणांची चळवळ व्यापक केली. ‘सत्यशोधक समाजा’ची स्थापना करून त्यांनी जातिभेद, अंधश्रद्धा, सामाजिक विषमता आणि अन्यायाविरुद्ध संघर्ष केला. *‘शेतकऱ्याचा असूड’* या ग्रंथातून शेतकऱ्यांचे प्रश्न, त्यांचे शोषण आणि शेतीच्या विकासाची आवश्यकता प्रभावीपणे मांडली. महात्मा फुले यांच्या द्विशताब्दी जन्मवर्षानिमित्त त्यांच्या विचारांचा, कार्याचा आणि सामाजिक परिवर्तनाच्या चळवळ...