जिल्हा माहिती कार्यालय, वाशिम

🚩 दुष्काळसदृश परिस्थितीच्या पार्श्वभूमीवर जलसंधारण कामांना गती देवून प्रलंबित कामे तातडीने पूर्ण करा! जिल्हाधिकारी योगेश कुंभेजकर 🔹 जलयुक्त शिवार अभियान २.० आढावा सभा वाशिम, दि. १६ ऑक्टोबर (जिमाका) : एल-निनोचा संभाव्य प्रभाव आणि जिल्ह्यातील दुष्काळसदृश परिस्थितीच्या पार्श्वभूमीवर आगामी काळातील पाणीटंचाईचा सामना करण्यासाठी जलसंधारणाची कामे प्रभावीपणे राबवावीत. प्रलंबित कामे निर्धारित कालमर्यादेत पूर्ण करून जलस्रोतांचे बळकटीकरण आणि भूजल पुनर्भरणाच्या कामांना गती द्यावी, असे निर्देश जिल्हाधिकारी योगेश कुंभेजकर यांनी दिले. जिल्हाधिकारी कार्यालयातील काटेपूर्णा सभागृहात आज १५ ऑक्टोबर रोजी जिल्हाधिकाऱ्यांच्या अध्यक्षतेखाली जलयुक्त शिवार अभियान २.० आढावा सभा संपन्न झाली.त्यावेळी ते बोलत होते. यावेळी मुख्य कार्यकारी अधिकारी अर्पित चौहान, सहाय्यक वनसंरक्षक सुशील मंतावार, जिल्हा जलसंधारण अधिकारी हरेंद्र वाघमारे, जिल्हा अधिक्षक कृषी अधिकारी आरीफ शाह,उपविभागीय अधिकारी संतोष वाळके,लघुपाटबंधारे विभागाचे कार्यकारी अभियंता रजत बिजवे आदींची प्रमुख उपस्थिती होती. संभाव्य पाणीटंचाईच्या दृष्ट...

🌾 चारा लागवड मोहीम प्रभावीपणे राबवा जिल्हाधिकारी योगेश कुंभेजकर ▪️ जिल्हास्तरीय चारा टंचाई व्यवस्थापनाचा आढावा सभा वाशिम, दि. १६ ऑक्टोबर (जिमाका) : संभाव्य ‘एल-निनो’ प्रभावाच्या पार्श्वभूमीवर ऑक्टोबर २०२६ ते जून २०२७ या कालावधीत उद्भवू शकणाऱ्या चारा टंचाईवर मात करण्यासाठी जिल्ह्यात ‘विकसित भारत – रोजगार व आजीविका हमी अभियान (ग्रामीण)’ अंतर्गत विशेष चारा लागवड मोहीम प्रभावीपणे राबवावी. ही मोहीम पूर्ण करण्याच्या दृष्टीने सर्व संबंधित विभागांनी नियोजनबद्ध कार्यवाही करावी, असे निर्देश जिल्हाधिकारी योगेश कुंभेजकर यांनी दिले. जिल्हाधिकारी कार्यालयातील काटेपूर्णा दालनात जिल्हाधिकाऱ्यांच्या अध्यक्षतेखाली चारा लागवड मोहीम आणि जिल्हास्तरीय चारा टंचाई व्यवस्थापनाचा आढावा घेण्यात आला. त्यावेळी ते बोलत होते. यावेळी बैठकीस जिल्हा परिषदेचे मुख्य कार्यकारी अधिकारी अर्पित चौहान, रोहयो उपजिल्हाधिकारी विरेंद्र जाधव, जिल्हा अधीक्षक कृषी अधिकारी आरिफ शाहा, पशुसंवर्धन उपआयुक्त डॉ. तुषार बावणे, सहाय्यक वनसंरक्षक सुशील मंतावार, जिल्हा आपत्ती व्यवस्थापन अधिकारी शाहू भगत यांच्यासह विविध विभागांचे अ...

🧹🌿 स्वच्छ वाशिमसाठी जिल्हाभर स्वच्छतेची लोकचळवळ! 📢 सेवा संकल्प अभियानांतर्गत ४९१ ग्रामपंचायतींसह अंगणवाडी, जिल्हा परिषद शाळा व पंचायत समित्यांचा सहभाग वाशिम, दि. १५ ऑक्टोबर (जिमाका) : सेवा संकल्प अभियानांतर्गत स्वच्छ भारत मिशनच्या वतीने जिल्हा परिषद वाशिममार्फत संपूर्ण जिल्ह्यात ‘स्वच्छता ही सेवा’ उपक्रम राबविण्यात येत आहे. जिल्ह्यातील ४९१ ग्रामपंचायतींसह अंगणवाड्या, जिल्हा परिषद शाळा आणि पंचायत समित्यांच्या माध्यमातून स्वच्छतेविषयक विविध उपक्रम राबवून स्वच्छ, सुंदर आणि निरोगी परिसर निर्माण करण्यावर भर देण्यात येत आहे. जिल्हा परिषदेचे मुख्य कार्यकारी अधिकारी अर्पित चौहान, अतिरिक्त मुख्य कार्यकारी अधिकारी किरण कोवे आणि स्वच्छ भारत मिशनचे प्रकल्प संचालक गजानन खुळे यांनी या उपक्रमासाठी पुढाकार घेतला आहे. सर्व गटविकास अधिकाऱ्यांच्या समन्वयातून ग्रामीण भागात स्वच्छतेच्या उपक्रमांची अंमलबजावणी करण्यात येत आहे. या अभियानांतर्गत ग्रामपंचायत स्तरावर सार्वजनिक परिसराची स्वच्छता, अंगणवाडी व जिल्हा परिषद शाळांमध्ये स्वच्छतेविषयक जनजागृती तसेच पंचायत समित्यांच...

📚 तुळजापूर निवासी शाळेत सामूहिक वाचनातून ‘वाचन प्रेरणा दिन’ साजरा सेवा संकल्प अभियानांतर्गत ग्रंथप्रदर्शनाचे आयोजन वाशिम, दि. १५ ऑक्टोबर (जिमाका) : सेवा संकल्प अभियानांतर्गत मंगरूळनाथ तालुक्यातील तुळजापूर येथील अनुसूचित जाती मुलांच्या शासकीय निवासी शाळेत भारताचे माजी राष्ट्रपती डॉ. ए. पी. जे. अब्दुल कलाम यांच्या जयंतीनिमित्त वाचन प्रेरणा दिन साजरा करण्यात आला. यावेळी विद्यार्थी व कर्मचाऱ्यांनी एक तास सामूहिक वाचन केले. तसेच शाळेत ग्रंथप्रदर्शनाचे आयोजन करण्यात आले. शाळेचे मुख्याध्यापक एल. झेड. सुरजुसे यांनी ‘वाचनाचे महत्त्व’ या विषयावर विद्यार्थ्यांना मार्गदर्शन केले. वाचनामुळे ज्ञानात भर पडते, विचारशक्ती विकसित होते आणि व्यक्तिमत्त्व घडण्यास मदत होते, असे त्यांनी सांगितले. या उपक्रमात शाळेतील सर्व विद्यार्थी, शिक्षक, कर्मचारी आणि बाह्यस्रोत कर्मचाऱ्यांनी पुढाकार घेतला. #वाचनप्रेरणादिन #सेवासंकल्पअभियान #वाचनसंस्कृती #वाशिम