राजा राममोहन रॉय ग्रंथालय प्रतिष्ठान समान व असमान निधीसाठी ग्रंथालयाचे प्रस्ताव मागविले 28 ऑक्टोबर अंतिम मुदत

राजा राममोहन रॉय ग्रंथालय प्रतिष्ठान

समान व असमान निधीसाठी ग्रंथालयाचे प्रस्ताव मागविले

28 ऑक्टोबर अंतिम मुदत

       वाशिम, दि. 26 (जिमाका) : केंद्र सरकारच्या सांस्कृतिक कार्य विभागांतर्गत राजा राममोहन रॉय ग्रंथालय प्रतिष्ठान, कोलकाता यांच्या समान निधी व असमान निधी योजनेंतर्गत राज्यातील शासनमान्य सार्वजनिक ग्रंथालयांच्या सर्वांगिण विकासासाठी अर्थसहाय्याच्या विविध योजना ग्रंथालय संचालनालय, महाराष्ट्र राज्य, मुंबई यांच्यामार्फत राबविण्यात येतात. या समान व असमान निधी योजनांचा लाभ घेण्यासाठी विहित नमुन्यातीत प्रस्ताव सादर करणे आवश्यक आहे. सन 2022-23 साठी शासनमान्य ग्रंथालयांकडून प्रस्ताव मागविण्यात येत आहेत. त्या संदर्भातील नियम, अटी व अर्जाचा नमुना प्रतिष्ठानच्या www.rrrlf.gov.in या संकेतस्थळावर उपलब्ध आहे. जिल्हयातील इच्छुक ग्रंथालयांनी अर्जाचा नमुना संकेतस्थळावरुन उपलब्ध करुन घ्यावा.

           सन 2022-23 साठीच्या समान निधी योजना पुढीलप्रमाणे आहेत. इमारत बांधकाम व विस्तार अर्थसहाय्य योजना- या योजनेमध्ये योजने व्यतिरिक्त समान निधी योजनेंतर्गत इतर योजनांचा लाभ केंद्रीय पध्दतीने देण्यात येत असल्यामुळे इतर योजनांसाठीचे प्रस्ताव सादर करु नयेत.

         असमान निधी योजना सन 2022-23 साठी पुढीलप्रमाणे आहेत. ग्रंथालय सेवा देणाऱ्या स्वयंसेवी संस्थांना ग्रंथ, साधन सामुग्री, फर्निचर, इमारत बांधकाम व विस्तार यासाठी अर्थसहाय्य. राजा राममोहन रॉय ग्रंथालय प्रतिष्ठान "ज्ञान कोपरा” विकसित करण्यासाठी अर्थसहाय्य. महोत्सवी वर्ष जसे 50/60/75/100/125/150 वर्ष साजरे करण्यासाठी अर्थसहाय्य. राष्ट्रीय चर्चासत्र, कार्यशाळा, प्रशिक्षण वर्ग व जागरुकता कार्यक्रम आयोजनासाठी अर्थसहाय्य. बाल ग्रंथालय व राजा राममोहन रॉय ग्रंथालय बाल कोपरा स्थापन करण्याकरीता अर्थसहाय्य.
         वरील योजनांचा लाभ घेण्यासाठी इच्छुकांनी प्रतिष्ठानच्या www.rrrlf.gov.in या संकेतस्थळाला भेट दयावी. आवश्यकता असल्यास संबंधित जिल्हा ग्रंथालय अधिकारी कार्यालयाशी संपर्क साधावा. ग्रंथालयांनी वरीलपैकी कोणत्याही एका योजनेसाठीचा प्रस्ताव विहित मार्गाने व मुदतीत आवश्यक कागदपत्रांसह इंग्रजी/ हिंदी भाषेत चार प्रतीत संबंधित जिल्हा ग्रंथालय अधिकारी कार्यालयास 28 ऑक्टोबर 2022 पर्यंत पोहचतील अशा बेताने पाठवावेत. असे आवाहन ग्रंथालय संचालनालयाचे प्रभारी ग्रंथालय संचालक श्रीमती शालिनी इंगोले यांनी केले आहे.

*******