नवोदय विद्यालय प्रवेश परीक्षा इ.6 वी प्रवेश : ऑनलाईन अर्जास सुरुवात अंतिम मुदत 10 ऑगस्ट

नवोदय विद्यालय प्रवेश परीक्षा

इ.6 वी प्रवेश : ऑनलाईन अर्जास सुरुवात

अंतिम मुदत 10 ऑगस्ट

        वाशिम, दि. 21 (जिमाका) : केंद्रीय माध्यमिक शिक्षा बोर्ड, दिल्लीच्या वतीने घेण्यात येणारी जवाहर नवोदय विद्यालय निवड चाचणी परीक्षा इयत्ता 6 वी करीता सन 2024-25 चे प्रवेश अर्ज ऑनलाईन पध्दतीने भरण्यास सुरुवात झाली आहे. जे विद्याथी वाशिम जिल्हयातील रहिवासी आहेत आणि मान्यता प्राप्त शासकीय, निमशासकीय किंवा खाजगी शाळेत शैक्षणिक वर्ष 2023-24 च्या इयत्ता 5 वीत शिकत असलेले विद्यार्थी या प्रवेश परिक्षेकरीता अर्ज करु शकतात. विद्यार्थी हा इयत्ता 3 री व 4 थी मध्ये सलग उत्तीर्ण असावा. प्रवेश इच्छूक विद्यार्थ्याचा जन्म 1 मे 2012 ते 31 जुलै 2014 वर्षादरम्यान झाला असावा. हे विद्यार्थी अर्ज करण्यास प्रात्र आहेत. ही पात्रता व अट अनुसचित जाती अनुसूचित जमाती संवर्ग धरुन सर्व संवर्गातील विद्यार्थ्याना लागू आहे.
          अधिक माहितीसाठी तसेच परिक्षेचे स्वरुप व इतर विस्तृत माहिती नवोदय विद्यालय समितीच्या
www.navodaya.gov.in किंवा https://cbseitms.rcil.gov.in/nvs/ या संकेतस्थळावर उपलब्ध आहे. तसेच ऑनलाईन अर्ज दिलेल्या संकेतस्थळावरुन विनामुल्य भरण्यास सुरु झाले आहे. ऑनलाईन अर्ज भरण्याची अंतिम तारीख 10 ऑगस्ट 2023 आहे. निवड चाचणी परिक्षा 20 जानेवारी 2024 रोजी घेण्यात येणार असल्याची माहिती जवाहर नवोदय विद्यालयाचे प्राचार्य एस.डी. खरात यांनी दिली.

*******