रोजगार मेळावा : खाजगी नियोक्ते व आस्थापनांनी15 जूनपूर्वी मागणीपत्र सादर करावे
रोजगार मेळावा : खाजगी नियोक्ते व आस्थापनांनी
15 जूनपूर्वी मागणीपत्र सादर करावे
वाशिम, दि. 09 (जिमाका) : जिल्हयातील रोजगार इच्छुक युवक-युवतींना रोजगाराच्या संधी उपलब्ध व्हाव्यात, यासाठी 24 जून रोजी वाशिम येथे रोजगार मेळावा नियोजित आहे. तरी जिल्हयातील व जिल्हयाबाहेरील खाजगी क्षेत्रातील नियोक्ते/आस्थापना प्रमुखांनी आपल्या आस्थापनांवर आवश्यक असणारे मनुष्यबळ भरतीसाठी मागणीपत्र सादर करावे. या मागणीपत्रात पदाचे नाव व पद संख्या, शैक्षणिक/तांत्रिक पात्रता, वयोमर्यादा व मानधन इत्यादी बाबींचा अंर्तभाव करण्यात यावा. यासाठी या खाजगी आस्थापनांना आवश्यक मनुष्यबळ उपलब्ध करुन घ्यायचे आहे, त्यांनी कार्यालयाच्या wahimrojgar@gmail.com या ई-मेलवर 15 जूनपूर्वी मागणीपत्र सादर करावे. याबाबत काही अडचण असल्यास अधिक माहितीसाठी कार्यालयाच्या दूरध्वनी क्रमांक 07252-231494 तसेच भ्रमणध्वनी क्रमांक 9850983335,9764794037 व 7775814153 यावर संपर्क साधावा. असे आवाहन जिल्हा कौशल्य विकास, रोजगार व उद्योजकता मार्गदर्शन केंद्राच्या सहायक आयुक्त सुनंदा बजाज यांनी केले आहे.
*******
Comments
Post a Comment