सामाजिक न्याय पर्वानिमित्त21 एप्रिल रोजी तृतीयपंथीयांना ओळखपत्र वाटप वकायद्याबाबत जनजागृती शिबीराचे आयोजन

सामाजिक न्याय पर्वानिमित्त

21 एप्रिल रोजी तृतीयपंथीयांना ओळखपत्र वाटप व

कायद्याबाबत जनजागृती शिबीराचे आयोजन

           वाशिम, दि. 19 (जिमाका) : सामाजिक न्याय पर्व व शासकीय योजनांच्या जत्रेच्या निमित्ताने डॉ. बाबासाहेब आंबेडकर सामाजिक न्याय भवन, वाशिम येथे 21 एप्रिल रोजी सकाळी 11 वाजता सामाजिक न्याय व विशेष सहाय्य विभागाअंतर्गत तृतीयपंथी व्यक्तींमध्ये जनजागृती शिबीर व ओळखपत्र वाटप कार्यक्रम आयोजित करण्यात आला आहे. दुपारी 12 वाजता अंधश्रद्धा निर्मुलन कायद्याबाबत जनजागृती कार्यक्रम घेण्यात येणार आहे. या कार्यक्रमाला जिल्ह्यातील जास्तीत जास्त नागरिकांनी उपस्थित राहावे. असे आवाहन समाज कल्याणचे सहायक आयुक्त मारोती वाठ यांनी केले आहे.

*******