फेरीवाल्यांनी योजनेसाठी ऑनलाईन अर्ज भरावा नगर परिषदेचे आवाहन




फेरीवाल्यांनी योजनेसाठी ऑनलाईन अर्ज भरावा

नगर परिषदेचे आवाहन

        वाशिम, दि. 19 (जिमाका) : शहरातील सर्व फेरीवाल्यांकरीता नगर परिषद वाशीमच्या वतीने पीएम स्वनिधी योजनेअंतर्गत व शासकीय योजनांच्या जत्रेअंतर्गत कर्ज मेळावा शिबिर आयोजित करण्यात आले आहे. ज्या लाभार्थ्यांचे मोबाईल ॲपव्दारे सर्व्हेक्षण पुर्ण झाले आहे, अशा लाभार्थ्यांनी प्रधानमंत्री स्वनिधी योजनेच्या कर्ज योजनेचा लाभ घेण्यासाठी जिल्हाधिकारी यांच्या आदेशानुसार ऑनलाईन अर्ज भरुन जास्तीत जास्त लाभार्थ्यांना कर्ज मंजूर व्हावे. याकरीता नगर परिषद वाशिमअंतर्गत शहर उपजीविका केंद्र, युनियन बँकेच्या मागे, बालाजी संकुल, वरचा मजला, पाटणी चौक, वाशीम येथे कर्ज ऑनलाईन अर्ज भरण्याकरीता दररोज सशुल्क दरात अर्ज भरण्यासाठी २९ एप्रिलपर्यंत शिबिर आयोजित करण्यात आले आहे.

          फेरीवाल्यांना प्रधानमंत्री स्वनिधी योजनेचा ऑनलाईन अर्ज करण्याकरीता सुविधा असून पात्र फेरीवाल्यांनी आपले कागदपत्रे घेऊन ऑनलाईन अर्ज भरून घ्यावा. शिबिराच्या दिवशी बँक व्यवस्थापक यांच्या उपस्थितीत कर्ज मंजूर होणार आहे. तरी यापूर्वी बँकेमध्ये अर्ज केलेला असल्यास तो बँकेकडे प्रलंबित असल्यास अर्ज केलेल्या अर्जाची एक प्रत तसेच बँकेने योग्य कारणांसह परत अर्ज केला असल्यास परत अर्ज भरण्याची सुविधा असून कर्जासाठी अर्ज भरून नोदणी करावी.

          ज्या लाभार्थ्यांचे कर्ज वाटप झाले आहे, त्यांना क्युआरकोडच्या डिजिटल साधनाच्या माध्यमातून व्यवहार करता यावे. याकरीता फोन पे, गुगल पे यांचा वापर करुन डिजिटल साधनांचा वापर करावा. कॅश बॅकचा लाभ मिळवून घ्यावा. बँकेमधून क्युआरकोडचे वाटप होणार असून याबाबत जास्तीत जास्त फेरीवाल्यांनी देखील लाभ घ्यावा.

          ज्या लाभार्थानी मागील वर्षात १० हजार रुपये कर्ज योजनेचा लाभ घेऊन सुरळीत परतफेड केली आहे, त्यांनी पहिले कर्ज परतफेड केल्याचा दाखला घेऊन २० हजार रुपये कर्ज योजनेचा ऑनलाईन अर्ज भरावा. ज्यांनी अर्ज भरला असेल तो बँकेकडे प्रलंबित असल्यास सोबत घेऊन यावा. बँक व्यवस्थापक यांच्या उपस्थितीत अर्ज निकाली काढता येईल. नवीन अर्ज करणाऱ्या लाभार्थ्यांनी आधार संलग्न मोबाईल क्रमांक, आधार कार्ड, मतदान काई, रेशनकार्ड, बँक पासबक, फेरीव्यवसाय फोटो, नगर पालिकेची बैठक पावती, सर्व्हेक्षण झाल्याची पोच पावती आदी कागदपत्रे सोबत घेऊन संपर्क करावा. असे आवाहन नगर परिषदेच्या मुख्याधिकारी श्रीमती मिन्नु पी.एम. यांनी केले आहे.

*******


Comments

Post a Comment

Popular posts from this blog

विद्यार्थ्यांनी सांगितले लोकशाही आणि मतदानाचे महत्व !

Image
·         वक्तृत्व स्पर्धा, परिसंवादात मांडले विचार ·         ‘स्वीप’ अंतर्गत उपक्रमाला उत्स्फूर्त प्रतिसाद ·         सुमारे १८ हजार विद्यार्थ्यांनी घेतला सहभाग वाशिम , दि. १२ : ‘ मतदान हा आपल्याला मिळालेला बहुमूल्य अधिकार आहे , आपलं मत वाया घालवू नका , कोणतेही कारण न देता २१ ऑक्टोंबरला मतदान करा... ’ ‘ मतदान करताना जाती-धर्माचा विचार न करता योग्य उमेदवार निवडा... ’ ‘ आपलं मत विकू नका , प्रत्येक मत लोकशाहीची ताकद आहे , ते वाया घालवू नका... ’ असे विचार व्यक्त करून शालेय विद्यार्थ्यांनी मतदान आणि लोकशाही प्रक्रियेचे महत्व पटवून दिले. निमित्त होते जिल्हा निवडणूक यंत्रणेमार्फत ‘ स्वीप ’ अंतर्गत आयोजित वक्तृत्व स्पर्धा आणि परिसंवादाचे. जिल्हाधिकारी तथा जिल्हा निवडणूक अधिकारी हृषीकेश मोडक , जिल्हा परिषदेचे मुख्य कार्यकारी अधिकारी तथा ‘ स्वीप ’ चे नोडल अधिकारी दीपक कुमार मीना यांच्या मार्गदर्शनात शुक्रवारी जिल्ह्यातील शाळांमध्ये वक्तृत्व स्पर्धा आणि परिसंवाद आयोज...
Read more

मराठी साहित्य निर्मितीच्या सर्वच प्रांतात महिला साहित्यिकांचे महत्वपूर्ण योगदान - प्रा. लता जावळे

Image
·         जिल्हा न्यायालयात मराठी भाषा संवर्धन पंधरवडा वाशिम ,   दि .   ०५ :     मराठी साहित्य निर्मितीच्या सर्वच प्रांतात महिला साहित्यिकांनी विपुल लेखन केले आहे. त्यांचे हे लेखन मराठी साहित्याला समृद्ध करण्यामध्ये अतिशय महत्वपूर्ण योगदान देणारे असल्याचे प्रतिपादन प्रा. लता जावळे यांनी केले. जिल्हा विधी सेवा प्राधिकरण आणि वाशिम जिल्हा विधीज्ञ मंडळ यांच्यावतीने ‘मराठी भाषा संवर्धन पंधरवडा’निमित्ताने ५ जानेवारी रोजी आयोजित ‘ मराठी साहित्यामध्ये महिला साहित्यिकांचे योगदान ’ या विषयावर त्या बोलत होत्या. अध्यक्षस्थानी वरिष्ठ स्तर सह दिवाणी न्यायाधीश पी. एच. नेरकर होते. यावेळी प्रमुख पाहुणे म्हणून ॲड. शाम शेवलकर, ॲड. गणेशप्रसाद अवस्थी यांची उपस्थिती होती. प्रा. जावळे म्हणाल्या, सावित्रीबाई फुले यांनी महिलांसाठी शिक्षणाची कवाडे खुली करून दिल्यानंतर अनेक महिलांनी साहित्य निर्मितीत योगदान देण्यास सुरुवात केली. अगोदर केवळ बोली स्वरुपात असलेली लोकगीते, गाणी शब्द रुपात आली. साहित्याच्या माध्यमातून महिलांवर होणारा अन्याय, त्यांच...
Read more

वृक्ष दिंडीतून दिला वृक्ष लागवड, संवर्धनाचा संदेश

Image
·          ४ कोटी वृक्ष लागवड मोहिमेत सहभागी होण्याचे आवाहन ·          अभंग, भारूडातून वृक्षारोपणाविषयी जनजागृती वाशिम , दि . २९ :   राज्य शासनामार्फत ४ कोटी वृक्ष लागवड मोहिमेंतर्गत दि. १ ते ७ जुलै २०१७ या कालावधीत वृक्षारोपण करण्यात येणार आहे. सर्वसामान्य नागरिकांमध्ये वृक्ष लागवड व संवर्धनाविषयी जनजगृती करून त्यांना वृक्षलागवड मोहिमेत सहभागी होण्याचे आवाहन करण्यासाठी आज जिल्हा प्रशासनाच्यावतीने वृक्ष दिंडी काढण्यात आली. यावेळी जिल्हाधिकारी राहुल द्विवेदी, जिल्हा परिषदेचे मुख्य कार्यकारी अधिकारी गणेश पाटील, जिल्हा पोलीस अधीक्षक मोक्षदा पाटील यांच्या हस्ते हिरवी झेंडी दाखवून जिल्हाधिकारी कार्यालय परिसरातून वृक्ष दिंडीला सुरुवात करण्यात आली. यावेळी जिल्हा परिषदेच्या कृषी व पशुसंवर्धन समितीचे सभापती विश्वनाथ सानप, अपर जिल्हाधिकारी डॉ. नंदकुमार बेडसे, रोहयोचे उपजिल्हाधिकारी सुनील कोरडे, जिल्हा परिषदेचे उपमुख्य कार्यकारी अधिकारी प्रमोद कापडे, जिल्हा आपत्ती व्यवस्थापन अधिकारी बाळासा...
Read more