समृध्दीवर अपघात टाळण्यासाठीवाहन चालकांचे समुपदेशनउप प्रादेशिक परिवहन कार्यालयाचा पुढाकार



समृध्दीवर अपघात टाळण्यासाठी

वाहन चालकांचे समुपदेशन

उप प्रादेशिक परिवहन कार्यालयाचा पुढाकार

        वाशिम, दि. 19 (जिमाका) : हिंद्हृदयसमाट बाळासाहेब ठाकरे नागपुर-शिर्डी समृध्दी महामार्गावर डिसेंबर २०२२ पासून नियमित वाहतुक सुरु करण्यात आली आहे. परंतु वाहन चालकांच्या चुकीमुळे तसेच वाहनाच्या स्थितीमूळे या महामार्गावर अपघाताचे प्रमाण वाढत आहे. यामध्ये मुख्यत: वाहन चालकांकडून विहीत मर्यादेपेक्षा अतिवेगाने वाहन चालविणे, लेनची शिस्त न पाळणे, खराब व गुळगुळीत झालेले टायर वापरणे, रस्त्यावर अनधिकृतपणे वाहने उभी करणे आदी मुख्य बाबी दिसुन आल्या आहे.

           या महामार्गावरील अपघातांची संख्या कमी करण्याकरीता परिवहन विभागाच्या वतीने वाहन चालकांचे समूपदेशन करुन त्यांना वाहतुक नियमांची माहिती देण्यात येत आहे. तसेच मोटार वाहन नियमांचा भंग करणाऱ्या वाहनांविरुध्द व वाहन चालकांविरुध्द मोटार वाहन कायदयातील तरतृदीनुसार दंडात्मक कारवाई करण्यात येत आहे. परिवहन विभागाने नागपुर व शिर्डी येथील प्रवेश व बाहेर निघण्याच्या पाँईटवर तसेच या महामार्गावर वर्धा, कारंजा (वाशिम) बुलढाणा, जालना, औरंगाबाद येथे २४ तास अधिकाऱ्यांची नियुक्ती केली आहे. यामध्ये अतिवेगाने वाहन चालविणाऱ्या वाहन चालकांचे समुपदेशन करणे, दंडात्मक कारवाई करणे, लेनची शिस्त न पाळणे, वाहन अनधिकृतपणे रस्त्यावर उभे करणे, वाहनाचे टायर खराब असल्यास वाहन चालकास परत पाठविणे, वाहनाचा फिटनेस विधीग्राहय नसल्यास तसेच वाहनाची तांत्रिक स्थिती ठिक नसल्यास कारवाई करणे व वाहनाच्या मागील बाजूस रिफलेक्टर टेप बसविणे आदींबाबत कार्यवाही करण्यात येत आहे.

           एखादया वाहनचालकांने विहीत मर्यादेपेक्षा (मोटार कार १२० कि.मी./तास, जड वाहन ८० कि.मी./तास) वाहन चालविल्याचे आढळून आल्यास रस्त्यावर बसविण्यात आलेल्या स्वयंचलित सिस्टिमव्दारे त्या वाहनांची नोंद होते. त्या वाहनाला पुढील टोलनाक्यावर अडविण्यात येते. त्या वाहनधारकाचे त्याठिकाणी समुपदेशन करुन पुढे मार्गस्थ करण्यात येते.

           १८ एप्रिल रोजी वाशिम येथील उप प्रादेशिक परिवहन अधिकारी कार्यालयाच्या पथकाने 32 वाहनांचे समुपदेशन केले. एका वाहनाचे टायर खराब असल्यामुळे प्रवेश नाकारला. 2 वाहनांना रिफ्लेक्टर टेप बसविण्यात आले. 3 वाहनांना लेनची शिस्त न पाळल्याबद्दल, 3 वाहनावर मर्यादेपेक्षा जास्त वेगाने वाहन चालविल्याबद्दल आणि 5 वाहनांवर लेन कटींग केल्याबद्दल वाहन चालकाची समुपदेशन करण्यात आले. वाशिमचे उप प्रादेशिक परिवहन अधिकारी ज्ञानेश्वर हिरडे यांच्या मार्गदर्शनात सहाय्यक मोटार वाहन निरीक्षक श्रेयस सरागे व ममता इंगोले यांनी वाहन चालकांचे समुपदेशन केले. 

*******


Comments

Post a Comment

Popular posts from this blog

भोगवटादार वर्ग-२ जमिनीचे वर्ग-१ रूपांतरणासाठी ३१ डिसेंबर २०२५ पर्यंत अधिमुल्य रक्कम भरण्यास सवलत जास्तीत जास्त नागरिकांनी या संधीचा लाभ घ्यावा जिल्हाधिकारी योगेश कुंभेजकर

Image
*विशेष वृत्त*:  भोगवटादार वर्ग-२ जमिनीचे वर्ग-१ रूपांतरणासाठी ३१ डिसेंबर २०२५ पर्यंत अधिमुल्य रक्कम भरण्यास सवलत जास्तीत जास्त नागरिकांनी या संधीचा लाभ घ्यावा        जिल्हाधिकारी योगेश कुंभेजकर   वाशिम, (जिमाका) शासनाने भोगवटादार वर्ग-२ जमिनीचे वर्ग-१ मध्ये रूपांतरणासाठी महसूल व वनविभागाच्या अधिसुचनेनुसार दि.४ मार्च २०२५ नुसार महाराष्ट्र शासन राजपत्रात सुचना जारी करण्यात आली आहे.त्यानुसार ३१ डिसेंबर २०२५ पर्यंत अर्ज करणाऱ्यांना विशेष सवलत मिळणार आहे. जास्तीत जास्त नागरिकांनी या संधीचा लाभ घ्यावा.असे आवाहन जिल्हाधिकारी योगेश कुंभेजकर यांनी केले आहे. *सवलतीचे मुख्य मुद्दे*:   कृषिक प्रयोजनासाठी भोगवटादार वर्ग २ धारणाधिकार किंवा भाडेपट्ट्याने प्रदान केलेल्या जमिनीचे भोगवटादार वर्ग १ मध्ये रूपांतरणासाठी अधिमूल्य रक्कमेत ३१ डिसेंबर पर्यंत सवलत मिळणार आहे. नगरपंचायत/नगरपरिषद/ विशेष नियोजन प्राधिकरणाच्या हद्दीबाहेरील कृषी प्रयोजनासाठी ज्या जमिनी शेती / ना विकास वापर विभागात स्थित आहेत.अश्या जमिनी रुपांतरणासाठी शेतीच्या दराप्रमाणे येणाऱ्या क...
Read more

मराठी साहित्य निर्मितीच्या सर्वच प्रांतात महिला साहित्यिकांचे महत्वपूर्ण योगदान - प्रा. लता जावळे

Image
·         जिल्हा न्यायालयात मराठी भाषा संवर्धन पंधरवडा वाशिम ,   दि .   ०५ :     मराठी साहित्य निर्मितीच्या सर्वच प्रांतात महिला साहित्यिकांनी विपुल लेखन केले आहे. त्यांचे हे लेखन मराठी साहित्याला समृद्ध करण्यामध्ये अतिशय महत्वपूर्ण योगदान देणारे असल्याचे प्रतिपादन प्रा. लता जावळे यांनी केले. जिल्हा विधी सेवा प्राधिकरण आणि वाशिम जिल्हा विधीज्ञ मंडळ यांच्यावतीने ‘मराठी भाषा संवर्धन पंधरवडा’निमित्ताने ५ जानेवारी रोजी आयोजित ‘ मराठी साहित्यामध्ये महिला साहित्यिकांचे योगदान ’ या विषयावर त्या बोलत होत्या. अध्यक्षस्थानी वरिष्ठ स्तर सह दिवाणी न्यायाधीश पी. एच. नेरकर होते. यावेळी प्रमुख पाहुणे म्हणून ॲड. शाम शेवलकर, ॲड. गणेशप्रसाद अवस्थी यांची उपस्थिती होती. प्रा. जावळे म्हणाल्या, सावित्रीबाई फुले यांनी महिलांसाठी शिक्षणाची कवाडे खुली करून दिल्यानंतर अनेक महिलांनी साहित्य निर्मितीत योगदान देण्यास सुरुवात केली. अगोदर केवळ बोली स्वरुपात असलेली लोकगीते, गाणी शब्द रुपात आली. साहित्याच्या माध्यमातून महिलांवर होणारा अन्याय, त्यांच...
Read more

वाशिम जिल्हा जात प्रमाणपत्र पडताळणी समिती कार्यान्वित

Image
·         आता जिल्हास्तरावर मिळणार जात पडताळणी प्रमाणपत्र वाशिम , दि . २१ : राज्य शासनाच्या सामाजिक न्याय व विशेष सहाय्य विभागाने जिल्हास्तरावर जात प्रमाणपत्र समिती स्थापन करण्याचे निर्देश दिले होते. त्यानुसार आजपासून वाशिम येथील डॉ. बाबासाहेब आंबेडकर सामाजिक न्याय भवन येथे वाशिम जिल्हा जात प्रमाणपत्र पडताळणी समितीचे कार्यालय सुरु झाले. समिती कार्यालयाचे उदघाटन समितीचे अध्यक्ष आय. एम. तिटकारे यांच्या हस्ते करण्यात आले. याप्रसंगी उपायुक्त तथा समितीचे सदस्य बी. डी. खंडाते, समाज कल्याण विभागाच्या सहाय्यक आयुक्त तथा समितीच्या सदस्य सचिव माया केदार, विशेष निरीक्षक श्री. मुसळे आदी उपस्थित होते. श्री. तिटकारे यांच्या हस्ते फीत कापून जात प्रमाणपत्र पडताळणी समितीच्या नागरी सुविधा केंद्राचे उदघाटन झाले. याप्रसंगी श्री. तिटकारे म्हणाले, लोकांच्या सोयीसाठी जिल्हास्तरावर जात प्रमाणपत्र पडताळणी समिती स्थापन करण्याचा निर्णय राज्य शासनाने घेतला आहे. त्यानुसार आजपासून वाशिम जिल्ह्यात ही समिती कार्यान्वयित झाली असून समितीचे दैनदिन कामकाज आता वाशिममध्य...
Read more