जिल्हा माहिती कार्यालय, वाशिम

जिल्हाधिकारी कार्यालयात जिल्हाधिकारी योगेश कुंभेजकर यांच्या हस्ते राष्ट्रध्वजवंदन   वाशिम, दि. १ मे (जिमाका) जिल्हाधिकारी कार्यालयात महाराष्ट्र दिनाच्या ६६ व्या वर्धापन दिनानिमित्त जिल्हाधिकारी योगेश कुंभेजकर यांच्या हस्ते राष्ट्रध्वजवंदन करण्यात आले.यावेळी अप्पर जिल्हाधिकारी ब्रिजेश पाटील,निवासी उपजिल्हाधिकारी विश्वनाथ घुगे यांची प्रमुख उपस्थिती होती. यावेळी राष्ट्रध्वज वंदन, राष्ट्रगीत व महाराष्ट्र गीतानंतर जिल्हाधिकारी श्री. कुंभेजकर यांनी अधिकारी व कर्मचाऱ्यांशी संवाद साधून महाराष्ट्र दिनाच्या शुभेच्छा दिल्या.  जिल्हाधिकारी कार्यालयासह इतर कार्यालयातील अधिकारी व कर्मचारी उपस्थित होते.

जिल्ह्याला अधिक प्रगत, समृद्ध आणि आदर्श बनवूया            पालकमंत्री ना. दत्तात्रय भरणे  महाराष्ट्र दिनाचा ६६ वा वर्धापन दिन शासकीय समारंभ उत्साहात साजरा  पोलीस कवायत मैदान येथे पालकमंत्री यांच्याहस्ते राष्ट्रध्वजवंदन  उत्कृष्ट कामगिरी करणाऱ्या अधिकारी व कर्मचाऱ्यांचा सत्कार  शेतकऱ्यांसाठी महाबीजच्या चार महत्त्वपूर्ण उत्पादनांचे लोकार्पण  वाशिम, दि. १ मे (जिमाका) जिल्ह्याच्या उज्ज्वल भविष्यासाठी आपण सर्वांनी एकदिलाने, समन्वयाने आणि ठोस कृतीतून प्रयत्न करण्याची गरज आहे. जिल्ह्याचा सर्वांगीण विकास ही केवळ शासनाची जबाबदारी नसून प्रत्येक नागरिकाचा त्यात तितकाच सहभाग महत्त्वाचा आहे. शेती, उद्योग, शिक्षण, आरोग्य आणि पायाभूत सुविधा या सर्व क्षेत्रांत संतुलित प्रगती साधत, स्थानिकांना अधिकाधिक संधी उपलब्ध करून देणे ही काळाची गरज आहे. महिला सक्षमीकरण, युवकांचे कौशल्य विकास, जलसंधारण आणि पर्यावरण संवर्धन यावर विशेष भर देत आपण पुढे गेलो, तर वाशिम जिल्हा केवळ प्रगतच नव्हे तर समृद्ध आणि आदर्श जिल्हा म्हणून राज्...