25 ते 31 जुलै दरम्यान उज्वल भारत/उज्वल भविष्य महोत्सव

25 ते 31 जुलै दरम्यान

उज्वल भारत/उज्वल भविष्य महोत्सव 

वाशिम दि.12 (जिमाका) ऊर्जा,नवी व नविकरणीय मंत्रालय,भारत सरकार आणि इतर भागीदार यांच्यामार्फत 25 ते 31 जुलै दरम्यान उज्वल भारत/उज्वल भविष्य महोत्सव जिल्ह्यात साजरा करण्यात येणार आहे. या महोत्सवासाठी ऊर्जा विभागामध्ये मागील 8 वर्षात केलेल्या उल्लेखनीय कामाचा समावेश करण्यात येणार आहे.हा महोत्सव देशातील 773 जिल्ह्यात राबविण्यात येणार आहे. अंतिम कार्यक्रम देशातील 100 ठिकाणी संक्रमित पद्धतीने नियमित आठवडाभर साजरा करण्यात येणार आहे.त्यातील 5 लाभार्थ्याची निवड केल्यानंतर प्रधानमंत्री नरेंद्र मोदी हे त्यांच्याशी थेट संवाद साधणार आहे. जिल्ह्यात 2 लाभार्थी ठिकाणे निश्चित करून हा कार्यक्रम घेण्यात येणार आहे.यासाठी  सध्या उर्जाप्रेरीत झालेली गावे/स्वातंत्र्य सैनिक किंवा ऐतिहासिक अशा ठिकाणाची निवड करण्यात येणार आहे.जिल्हा नोडल अधिकारी म्हणून अधिक्षक अभियंता, महावितरण यांची नियुक्ती करण्यात आली आहे.