राष्ट्रीय नागरी उपजिवीका अभियानमोफत मिळणार कोर्सचे प्रशिक्षण उमेदवारांकडून अर्ज मागविले




राष्ट्रीय नागरी उपजिवीका अभियान

मोफत मिळणार कोर्सचे प्रशिक्षण

उमेदवारांकडून अर्ज मागविले

       वाशिम, दि. 28 (जिमाका) : दिनदयाळ अंत्योदय योजना- राष्ट्रीय नागरी उपजिवीका अभियान, नगर परिषद, वाशिमअंतर्गत कौशल्य विकास प्रशिक्षण कार्यक्रमास शासनाकडून मान्यता प्राप्त झाली आहे. हे प्रशिक्षण पुर्ण केल्यानंतर राष्ट्रीय कौशल्य विकास महामंडळामार्फत प्रशिक्षण पुर्णत्वाचे प्रमाणपत्र, प्रशिक्षण पुर्ण केल्यानंतर रोजगार/स्वयंरोजगाराच्या संधी, संबंधित कौशल्य प्रशिक्षण यशस्वीरित्या पुर्ण केल्यानंतर रोजगार/स्वयंरोजगार वैयक्तिक व्यवसायासाठी बँकेमार्फत अर्थसहाय्याचा लाभ वाशिम शहरातील उमेदवारांना देण्यात येणार आहे.

          वाशिम येथील श्री. गणेशा टेक्नॉलाजी, जाधव ले-आऊट, लाखाळा, वाशिम येथे 60 क्षमतेच्या अकाऊंट एक्झीकिटिव्ह कोर्ससाठी प्रवेश देण्यात येणार आहे. प्रशिक्षणाचा कालावधी 3 महिन्याचा असून शैक्षणिक पात्रता इ. 12 वी पास निश्चित केली आहे. याच प्रशिक्षण संस्थेत एलईडी लाईट रिपेअर टेक्निशियन प्रशिक्षणाकरीता 60 उमेदवारांची प्रशिक्षण क्षमता असून या प्रशिक्षणाचा कालावधी 3 महिने आहे. उमेदवार हा इ. 12 वी पास असावा. श्री तुळशीराम जाधव आर्ट आणि सायन्स कॉलेज, वाशिम येथे डेरी प्रोडक्ट प्रोसीजर याकरीता 60 प्रशिक्षणार्थ्यांची क्षमता असून प्रशिक्षणाचा कालावधी 3 महिने आहे. तर प्रशिक्षणार्थी हा इ. 12 वी उत्तीर्ण असावा.

           या प्रशिक्षण योजनेचा लाभ घेण्यासाठी उमेदवार हा सामाजिक, आर्थिक व जातनिहाय सर्व्हेक्षण यादीतील लाभार्थी असावा किंवा सुवर्ण जयंती शहरी योजनेतील लाभार्थी असावा. तसेच अनुसूचित जाती/अनुसूचित जमाती, स्त्रीया, अल्पसंख्यांक व दिव्यांग यांना हे प्रशिक्षण घेता येईल. उमेदवाराची वयोमर्यादा 18 ते 45 असावी. लाभार्थी हा वाशिम नगर पालिका हद्दीतील रहिवासी असावा. अर्जासोबत उमेदवाराने आधार कार्ड, मतदान कार्ड, रेशनकार्ड, बँक पासबुक, जातीचा दाखला, दिव्यांग प्रमाणपत्र, जातनिहाय यादीतील क्रमांक/ सुवर्ण जयंती शहरी योजना यादीतील लाभार्थी, दारिद्रय रेषेखालील असल्याचे प्रमाणपत्र आदी कागदपत्रे घेवून संबंधित कार्यालयामध्ये प्रशिक्षणासाठी संपर्क करावा. अधिक माहितीसाठी शहर उपजिवीका केंद्र, बालाजी संकुल, युनियन बँकजवळ, वाशिम तसेच नगर परिषद, वाशिम येथे संपर्क करुन आपला अर्ज भरुन प्रवेश निश्चित करावा. असे आवाहन वाशिम नगर पालिकेचे मुख्याधिकारी श्रीकृष्ण वाहुरवाघ यांनी केले आहे.  

*******


Comments

Post a Comment

Popular posts from this blog

विद्यार्थ्यांनी सांगितले लोकशाही आणि मतदानाचे महत्व !

Image
·         वक्तृत्व स्पर्धा, परिसंवादात मांडले विचार ·         ‘स्वीप’ अंतर्गत उपक्रमाला उत्स्फूर्त प्रतिसाद ·         सुमारे १८ हजार विद्यार्थ्यांनी घेतला सहभाग वाशिम , दि. १२ : ‘ मतदान हा आपल्याला मिळालेला बहुमूल्य अधिकार आहे , आपलं मत वाया घालवू नका , कोणतेही कारण न देता २१ ऑक्टोंबरला मतदान करा... ’ ‘ मतदान करताना जाती-धर्माचा विचार न करता योग्य उमेदवार निवडा... ’ ‘ आपलं मत विकू नका , प्रत्येक मत लोकशाहीची ताकद आहे , ते वाया घालवू नका... ’ असे विचार व्यक्त करून शालेय विद्यार्थ्यांनी मतदान आणि लोकशाही प्रक्रियेचे महत्व पटवून दिले. निमित्त होते जिल्हा निवडणूक यंत्रणेमार्फत ‘ स्वीप ’ अंतर्गत आयोजित वक्तृत्व स्पर्धा आणि परिसंवादाचे. जिल्हाधिकारी तथा जिल्हा निवडणूक अधिकारी हृषीकेश मोडक , जिल्हा परिषदेचे मुख्य कार्यकारी अधिकारी तथा ‘ स्वीप ’ चे नोडल अधिकारी दीपक कुमार मीना यांच्या मार्गदर्शनात शुक्रवारी जिल्ह्यातील शाळांमध्ये वक्तृत्व स्पर्धा आणि परिसंवाद आयोज...
Read more

मराठी साहित्य निर्मितीच्या सर्वच प्रांतात महिला साहित्यिकांचे महत्वपूर्ण योगदान - प्रा. लता जावळे

Image
·         जिल्हा न्यायालयात मराठी भाषा संवर्धन पंधरवडा वाशिम ,   दि .   ०५ :     मराठी साहित्य निर्मितीच्या सर्वच प्रांतात महिला साहित्यिकांनी विपुल लेखन केले आहे. त्यांचे हे लेखन मराठी साहित्याला समृद्ध करण्यामध्ये अतिशय महत्वपूर्ण योगदान देणारे असल्याचे प्रतिपादन प्रा. लता जावळे यांनी केले. जिल्हा विधी सेवा प्राधिकरण आणि वाशिम जिल्हा विधीज्ञ मंडळ यांच्यावतीने ‘मराठी भाषा संवर्धन पंधरवडा’निमित्ताने ५ जानेवारी रोजी आयोजित ‘ मराठी साहित्यामध्ये महिला साहित्यिकांचे योगदान ’ या विषयावर त्या बोलत होत्या. अध्यक्षस्थानी वरिष्ठ स्तर सह दिवाणी न्यायाधीश पी. एच. नेरकर होते. यावेळी प्रमुख पाहुणे म्हणून ॲड. शाम शेवलकर, ॲड. गणेशप्रसाद अवस्थी यांची उपस्थिती होती. प्रा. जावळे म्हणाल्या, सावित्रीबाई फुले यांनी महिलांसाठी शिक्षणाची कवाडे खुली करून दिल्यानंतर अनेक महिलांनी साहित्य निर्मितीत योगदान देण्यास सुरुवात केली. अगोदर केवळ बोली स्वरुपात असलेली लोकगीते, गाणी शब्द रुपात आली. साहित्याच्या माध्यमातून महिलांवर होणारा अन्याय, त्यांच...
Read more

वृक्ष दिंडीतून दिला वृक्ष लागवड, संवर्धनाचा संदेश

Image
·          ४ कोटी वृक्ष लागवड मोहिमेत सहभागी होण्याचे आवाहन ·          अभंग, भारूडातून वृक्षारोपणाविषयी जनजागृती वाशिम , दि . २९ :   राज्य शासनामार्फत ४ कोटी वृक्ष लागवड मोहिमेंतर्गत दि. १ ते ७ जुलै २०१७ या कालावधीत वृक्षारोपण करण्यात येणार आहे. सर्वसामान्य नागरिकांमध्ये वृक्ष लागवड व संवर्धनाविषयी जनजगृती करून त्यांना वृक्षलागवड मोहिमेत सहभागी होण्याचे आवाहन करण्यासाठी आज जिल्हा प्रशासनाच्यावतीने वृक्ष दिंडी काढण्यात आली. यावेळी जिल्हाधिकारी राहुल द्विवेदी, जिल्हा परिषदेचे मुख्य कार्यकारी अधिकारी गणेश पाटील, जिल्हा पोलीस अधीक्षक मोक्षदा पाटील यांच्या हस्ते हिरवी झेंडी दाखवून जिल्हाधिकारी कार्यालय परिसरातून वृक्ष दिंडीला सुरुवात करण्यात आली. यावेळी जिल्हा परिषदेच्या कृषी व पशुसंवर्धन समितीचे सभापती विश्वनाथ सानप, अपर जिल्हाधिकारी डॉ. नंदकुमार बेडसे, रोहयोचे उपजिल्हाधिकारी सुनील कोरडे, जिल्हा परिषदेचे उपमुख्य कार्यकारी अधिकारी प्रमोद कापडे, जिल्हा आपत्ती व्यवस्थापन अधिकारी बाळासा...
Read more