स्टैंड अप इंडिया योजना धनगर समाजातील महिलांसाठी मार्जिन मनी योजना

स्टैंड अप इंडिया योजना

धनगर समाजातील महिलांसाठी मार्जिन मनी योजना

         वाशिम, दि. 03 (जिमाका) :  स्टैंड अप इंडिया योजनेत धनगर समाजातील महिलांकरीता मार्जिन मनी योजना सुरू करण्यात आली आहे. यासाठी केंद्र शासनाने १० हजार कोटी रुपयांची तरतूद केली आहे. ही रक्कम लघु उद्योग विकास बँकेकडे (सिडबी) वर्ग करण्यात आली आहे. लघु उद्योग विकास बँकेने या रक्कमेचा सुरक्षा हमी कवच तयार केले आहे. लाभार्थ्याना जे कर्ज दिले जाईल, त्याला लघु उद्योग विकास बँक हमी देईल. या योजनेंतर्गत राज्यातील धनगर समाजातील महिलांनी १० टक्के स्वहिस्सा भरणा केल्यानंतर व बँकेने अर्जदारास स्टैंड अप इंडिया योजनेअंतर्गत ७५ टक्के कर्ज मंजूर केल्यानंतर उर्वरित सबसिडीची रक्कम १५ टक्के राज्य शासन देणार आहे.

         या योजनेच्या मार्गदर्शक सुचना ६ सप्टेंबर २०१९ रोजीच्या शासन निर्णयानुसार शासन स्तरावरून निश्चित करण्यात आले आहे. याबाबतचा शासन निर्णय शासनाच्या www.maharashtra.gov.in या संकेतस्थळांवर पाहण्यासाठी उपलब्ध आहे. या योजनेकरीता इच्छुक लाभार्थ्यांनी सहाय्यक आयुक्त, समाज कल्याण, वाशिम यांचेकडे शासन निर्णयात नमुद करण्यात आलेल्या सर्व अटी व शर्तीची पुर्तता करून प्रस्ताव सादर करावा. असे आवाहन समाज कल्याणचे सहायक आयुक्त मारोती वाठ यांनी केले आहे.

                                                                                                                                          *******