रिसोड सिव्हील लाईन परिसरातील रस्ता मतमोजणी काळात राहणार बंद

वाशिम, दि. ०७ :  जिल्हा परिषद, पंचायत समिती सार्वत्रिक निवडणुकीची मतमोजणी ८ जानेवारी २०२० रोजी होत आहे. रिसोड तालुक्यातील मतमोजणी रिसोड येथील उत्तमचंद बगडिया कला व वाणिज्य महाविद्याल येथे होईल.  याकरिता सिव्हील लाईन रोडवरील शासकीय धान्य गोदाम ते त्रिमूर्ती किराणा पर्यंत लोखंडी बॅरेकेटिंग व गीता फर्निचर ते चैतन्य मेडिकल पर्यंत बॅरेकेटिंग करण्यासाठी परवनगी देण्यात आली आहे. त्यामुळे रिसोड शहरातील सिव्हील लाईन रोडवरील शासकीय धान्य गोदाम ते त्रिमूर्ती किराणापर्यंतचा रस्ता व गीता फर्निचर ते चैतन्य मेडिकलपर्यंतचा रस्ता ८ जानेवारी २०२० रोजी सकाळी ७ वाजता ते मतमोजणीची संपूर्ण प्रक्रिया पूर्ण होईपर्यंत वाहतुकीस, रहदारीस बंद करण्याचे आदेश जिल्हा दंडाधिकारी यांनी दिले आहेत.

*****