७ व ८ जानेवारी रोजी भरणारे आठवडी बाजार राहणार बंद

जिल्हा परिषद, पंचायत समिती सार्वत्रिक निवडणूक

वाशिम, दि. ०५ : जिल्हा परिषद व त्याअंतर्गत सहा पंचायत समित्यांची सार्वत्रिक निवडणूक २०१९ करीता जिल्ह्यात मंगळवार, ७ जानेवारी २०२० रोजी मतदान होत आहे. तसेच बुधवार, ८ जानेवारी २०२० रोजी मतमोजणी होणार आहे. मार्केट अँड फेअर अॅक्ट १८६२ चे कलम ५ मधील तरतुदीनुसार प्राप्त झालेल्या अधिकारानुसार जिल्हा दंडाधिकारी तथा जिल्हाधिकारी हृषीकेश मोडक यांनी जिल्हा परिषद, पंचायत समिती निवडणूक क्षेत्रात मतदानाच्या दिवशी म्हणेच ७ जानेवारी २०२० रोजी व मतमोजणीच्या दिवशी म्हणजेच ८ जानेवारी २०२० रोजी भरणारे आठवडी बाजार बंद ठेवण्याचे आदेश दिले आहेत.

७ व ८ जानेवारी २०२० रोजी होणारे आठवडी बाजार ९ जानेवारी २०२० रोजी भरविण्यात यावेत, असेही जिल्हा दंडाधिकारी यांनी आपल्या आदेशात नमूद केले आहे.