🌱 सेवा संकल्प अभियानाच्या प्रभावी अंमलबजावणीसाठी ग्रामसखींची आढावा बैठक👩‍👩‍👧‍👦 नवीन गट बांधणी, महिलांचे आरोग्य शिबिरे आणि बचत गटांना आर्थिक सहाय्याबाबत नियोजन

🌱 सेवा संकल्प अभियानाच्या प्रभावी अंमलबजावणीसाठी ग्रामसखींची आढावा बैठक

👩‍👩‍👧‍👦 नवीन गट बांधणी, महिलांचे आरोग्य शिबिरे आणि बचत गटांना आर्थिक सहाय्याबाबत नियोजन

📍 वाशिम, दि. २४ सप्टेंबर (जिमाका) : सेवा संकल्प अभियानाच्या प्रभावी अंमलबजावणीसाठी तालुका अभियान व्यवस्थापन कक्ष, पंचायत समिती वाशिम यांच्या वतीने तालुक्यातील सर्व कार्यरत ग्रामसखींची आढावा व नियोजन बैठक आयोजित करण्यात आली. बैठकीत अभियानांतर्गत विविध उपक्रमांच्या अंमलबजावणीचा आढावा घेऊन पुढील कार्यवाहीचे नियोजन करण्यात आले.

या बैठकीला जिल्हा अभियान व्यवस्थापन कक्षाचे जिल्हा व्यवस्थापक दत्ता चव्हाण, तालुका अभियान व्यवस्थापन कक्षाचे तालुका व्यवस्थापक तसेच सर्व प्रभागांचे प्रभाग समन्वयक उपस्थित होते.

📌 प्रकल्प संचालक किरण कोवे यांच्या सूचनेनुसार बैठकीत नवीन स्वयंसहायता गटांची बांधणी, गटांची ऑनलाइन नोंदणी, ग्रामसंघ व प्रभागसंघांच्या नियमित सभा, कार्यालय स्वच्छता आणि ग्रामसंघांच्या माध्यमातून महिलांसाठी आरोग्य तपासणी शिबिरांचे आयोजन याबाबत आढावा घेण्यात आला.

💰 तसेच स्वयंसहायता गटांना फिरता निधी (आरएफ), समुदाय गुंतवणूक निधी (सीआयएफ) आणि बँक कर्जाचे वाटप याबाबत नियोजन करून ग्रामसखी व संबंधित यंत्रणांना आवश्यक सूचना देण्यात आल्या.

🌿 महिलांच्या संघटनात्मक बळकटीकरणासोबतच आर्थिक सक्षमीकरण आणि आरोग्यविषयक उपक्रमांना चालना देण्यासाठी सेवा संकल्प अभियानांतर्गत नियोजन करण्यात आले.

#सेवासंकल्पअभियान #ग्रामसखी #स्वयंसहायतागट #महिलासक्षमीकरण #महिलाआरोग्य #आरएफ #सीआयएफ #बँककर्ज #ग्रामीणविकास #वाशिम