📢 भरती परीक्षा पारदर्शकतेसाठी अमरावतीत १७ सप्टेंबरला राज्यस्तरीय समितीची संवाद बैठक

📢 भरती परीक्षा पारदर्शकतेसाठी अमरावतीत १७ सप्टेंबरला राज्यस्तरीय समितीची संवाद बैठक

विद्यार्थी, पालक व कोचिंग संस्थांच्या प्रतिनिधींना थेट सूचना मांडण्याचे जिल्हा प्रशासनाचे आवाहन

📍 वाशिम, (जिमाका) :

शासकीय भरती परीक्षा अधिक सुरक्षित, पारदर्शक आणि पेपरफुटीमुक्त करण्यासाठी राज्य शासनाने स्थापन केलेल्या उच्चस्तरीय समितीची अमरावती विभागस्तरीय संवाद बैठक १७ सप्टेंबर २०२६ रोजी आयोजित करण्यात आली आहे.

या बैठकीत विद्यार्थी, पालक, शिक्षक, शैक्षणिक संस्था, कोचिंग क्लासेस, अभ्यासिका तसेच विद्यार्थी व परीक्षार्थी संघटनांचे प्रतिनिधी आणि लोकप्रतिनिधींना आपल्या सूचना, तक्रारी व उपाययोजना थेट मांडता येणार आहेत.

📅 बैठकीचा तपशील

दिनांक : १७ सप्टेंबर २०२६

स्थळ : नियोजन भवन, जिल्हाधिकारी कार्यालय, अमरावती

मुख्य विषय : परीक्षांमधील गैरप्रकार रोखणे, परीक्षा पद्धतीत सुधारणा आणि पारदर्शकता आणणे.

👥 सहभागी होणारे घटक

▪️ स्पर्धा परीक्षा देणारे विद्यार्थी व परीक्षार्थी

▪️ पालक व शिक्षक प्रतिनिधी

▪️ शैक्षणिक संस्थांचे प्रतिनिधी

▪️ स्पर्धा परीक्षा मार्गदर्शन केंद्रे (कोचिंग क्लासेस) संचालक

▪️ अभ्यासिका चालक व व्यवस्थापक

▪️ विविध विद्यार्थी व परीक्षार्थी संघटनांचे प्रतिनिधी आणि लोकप्रतिनिधी

राज्यातील विविध भरती प्रक्रियांमध्ये धोरणात्मक बदल, गैरप्रकारांना प्रतिबंध आणि परीक्षा पद्धत उमेदवाराभिमुख करण्यासाठी सामान्य प्रशासन विभागाच्या अध्यक्षतेखाली ही उच्चस्तरीय समिती गठीत करण्यात आली आहे. समितीमार्फत राज्यातील सर्व महसुली विभागांत प्रत्यक्ष भेट देऊन स्थानिक घटकांशी संवाद साधण्यात येत आहे.

परीक्षा प्रणालीतील त्रुटी दूर करून ती अधिक मजबूत करण्यासाठी अमरावती विभागातील जास्तीत जास्त प्रतिनिधींनी व विद्यार्थ्यांनी या बैठकीस उपस्थित राहून आपले मत नोंदवावे, असे प्रसिद्धीपत्रकाद्वारे निवासी उपजिल्हाधिकारी विश्वनाथ घुगे यांनी कळविले आहे.

#भरतीपरीक्षा #परीक्षापारदर्शकता #पेपरफुटीमुक्तपरीक्षा #स्पर्धापरीक्षा #विद्यार्थी #अमरावती #वाशिम #जिल्हामाहितीकार्यालयवाशिम