🎓 अल्पसंख्याक विद्यार्थ्यांनी उच्च शिक्षणासाठी कर्ज योजनेचा लाभ घ्यावामौलाना आझाद अल्पसंख्याक आर्थिक विकास महामंडळाचे आवाहन

🎓 अल्पसंख्याक विद्यार्थ्यांनी उच्च शिक्षणासाठी कर्ज योजनेचा लाभ घ्यावा

मौलाना आझाद अल्पसंख्याक आर्थिक विकास महामंडळाचे आवाहन

अल्पसंख्याक विकास विभागांतर्गत कार्यरत मौलाना आझाद अल्पसंख्याक आर्थिक विकास महामंडळामार्फत अल्पसंख्याक समाजातील गरजू विद्यार्थ्यांसाठी विविध व्यावसायिक अभ्यासक्रमांच्या उच्च शिक्षणासाठी शैक्षणिक कर्ज योजना राबविण्यात येतात.

📚 मौलाना आझाद शैक्षणिक कर्ज योजना

या योजनेंतर्गत पात्र विद्यार्थ्यांना वैद्यकीय, अभियांत्रिकी, नर्सिंग, हॉटेल मॅनेजमेंट आदी व्यावसायिक अभ्यासक्रमांच्या उच्च शिक्षणासाठी कमाल ५ लाख रुपयांपर्यंत कर्ज उपलब्ध करून दिले जाते.

➡️ कुटुंबाचे वार्षिक उत्पन्न ८ लाख रुपयांपर्यंत असल्यास कर्जावर ३ टक्के व्याजदर आकारला जातो.

🌏 डॉ. ए.पी.जे. अब्दुल कलाम शैक्षणिक कर्ज योजना

राष्ट्रीय अल्पसंख्याक विकास व वित्त महामंडळ, नवी दिल्ली यांच्या सहकार्याने ही योजना राबविण्यात येते.

या योजनेंतर्गत—

🇮🇳 भारतातील उच्च शिक्षणासाठी : २० लाख रुपयांपर्यंत कर्ज

🌍 परदेशातील उच्च शिक्षणासाठी : ३० लाख रुपयांपर्यंत कर्ज

उपलब्ध करून देण्यात येते.

💻 ऑनलाइन अर्ज करा

या योजनांचा लाभ घेण्यासाठी पात्र विद्यार्थ्यांनी मौलाना आझाद अल्पसंख्याक आर्थिक विकास महामंडळाच्या अधिकृत संकेतस्थळावर ऑनलाइन अर्ज करावा.

🔗 अधिकृत संकेतस्थळ :

"मौलाना आझाद अल्पसंख्याक आर्थिक विकास महामंडळ" (https://www.mamfdc.maharashtra.gov.in)

📍 अधिक माहितीसाठी संपर्क

नवीन आययुडीपी कॉलनी, वाशिम, आय.टी.आय. कॉलेजजवळील महामंडळाच्या कार्यालयाशी कार्यालयीन वेळेत संपर्क साधावा.

📞 संपर्क क्रमांक : ८८८८५०३८०८

अधिक माहितीसाठी महामंडळाच्या प्रभारी जिल्हा व्यवस्थापक कविता कांबळे यांनी पात्र विद्यार्थ्यांनी या शैक्षणिक कर्ज योजनांचा लाभ घ्यावा, असे आवाहन केले आहे.

🎓 उच्च शिक्षणाचे स्वप्न पूर्ण करण्यासाठी आर्थिक मदतीची संधी — पात्र विद्यार्थ्यांनी कर्ज योजनांचा लाभ घ्यावा.

#अल्पसंख्याकविद्यार्थी #उच्चशिक्षण #शैक्षणिककर्ज #मौलानाआझाद #शैक्षणिककर्जयोजना #अल्पसंख्याकविकास #विद्यार्थी #वाशिम