🧹🌿 सेवा संकल्प अभियानातून स्वच्छतेचा जागर🏥 संत सेवालाल महाराज शासकीय वैद्यकीय महाविद्यालयात स्वच्छता मोहीम उत्साहात

🧹🌿 सेवा संकल्प अभियानातून स्वच्छतेचा जागर

🏥 संत सेवालाल महाराज शासकीय वैद्यकीय महाविद्यालयात स्वच्छता मोहीम उत्साहात

📍 वाशिम, दि. २५ सप्टेंबर (जिमाका) : स्वच्छ, सुंदर आणि आरोग्यदायी परिसरासाठी सामुदायिक जबाबदारी स्वीकारण्याचा संदेश देत संत सेवालाल महाराज शासकीय वैद्यकीय महाविद्यालय व रुग्णालय, वाशिम येथे सेवा संकल्प अभियानांतर्गत स्वच्छता अभियान उत्साहात राबविण्यात आले. या उपक्रमात महाविद्यालय व रुग्णालयातील अधिकारी आणि कर्मचाऱ्यांनी उत्स्फूर्त सहभाग नोंदविला.

🧹 परिसरात स्वच्छता राखणे, स्वच्छतेविषयी जनजागृती करणे तसेच स्वच्छ आणि आरोग्यदायी वातावरण निर्माण करणे हा या अभियानाचा मुख्य उद्देश होता. स्वच्छता ही केवळ एक दिवसाची मोहीम नसून ती प्रत्येकाच्या दैनंदिन जीवनाचा अविभाज्य भाग असली पाहिजे, असा संदेश या उपक्रमातून देण्यात आला.

👥 या प्रसंगी महाविद्यालयाचे अधिष्ठाता डॉ. सतीन मेश्राम, उपअधिष्ठाता डॉ. धरमसिंग पवार, वैद्यकीय अधिकारी डॉ. सचिन सानप, प्रशासकीय अधिकारी एस. थोरात व श्रीकांत गोमासे, प्रयोगशाळा तंत्रज्ञ दीपक माऊलीकर, कार्यालयीन अधीक्षक किरण पवार, समाजसेवा विभाग समन्वयक मंगेश ताले, श्रीकांत आडे, विठ्ठल लोखंडे, अनिता पाईकराव, सचिन नानवटे, युसुफ पठाण तसेच वैद्यकीय समाजसेवा अधीक्षक डॉ. अनुराग जांभरुणकर यांच्यासह महाविद्यालय व रुग्णालयातील अधिकारी आणि कर्मचारी उपस्थित होते.

🌿 महाविद्यालय व रुग्णालयाचा परिसर स्वच्छ, सुंदर आणि आरोग्यदायी ठेवण्यासाठी प्रत्येकाने सामुदायिक जबाबदारी स्वीकारावी, असे आवाहन यावेळी करण्यात आले. स्वच्छतेचे महत्त्व अधोरेखित करणाऱ्या या उपक्रमातून स्वच्छतेची सवय दैनंदिन जीवनात रुजविण्याचा संदेश देण्यात आला.

#सेवासंकल्पअभियान #स्वच्छतेचाजागर #स्वच्छताअभियान #स्वच्छताहीसेवा #स्वच्छपरिसर #आरोग्यदायीपरिसर #संतसेवालालमहाराज #शासकीयवैद्यकीयमहाविद्यालय #वाशिम #जिल्हामाहितीकार्यालयवाशिम