🙏 नागरिकांनी, गणेश मंडळांनी ‘बाप्पा डॉट ओआरजी’वर नोंदणी करावी!📢 जिल्हा प्रशासनाकडून आवाहन🏠 #घरोघरीबाप्पा

🙏 नागरिकांनी, गणेश मंडळांनी ‘बाप्पा डॉट ओआरजी’वर नोंदणी करावी!📢 जिल्हा प्रशासनाकडून आवाहन🏠 #घरोघरीबाप्पा | #GharoGhariBappa

September 16, 2026

🙏 नागरिकांनी, गणेश मंडळांनी ‘बाप्पा डॉट ओआरजी’वर नोंदणी करावी!

📢 जिल्हा प्रशासनाकडून आवाहन

🏠 #घरोघरीबाप्पा | #GharoGhariBappa

वाशिम, दि. १६ सप्टेंबर (जिमाका) : महाराष्ट्रातील घराघरांत साजऱ्या होणाऱ्या गणेशोत्सवाच्या परंपरा, आठवणी आणि गणपती उत्सवाशी संबंधित कौटुंबिक कथा डिजिटल स्वरूपात जतन करण्यासाठी राज्य शासनाच्या सांस्कृतिक कार्य विभागामार्फत ‘बाप्पा डॉट ऑर्ग’ (www.bappa.org) हा उपक्रम राबविण्यात येत आहे. या उपक्रमाद्वारे महाराष्ट्राच्या समृद्ध गणेशोत्सव परंपरेचे डिजिटल दस्तऐवजीकरण करण्यात येत आहे.

वाशिम जिल्ह्यातील नागरिकांनी या उपक्रमात उत्स्फूर्तपणे सहभागी होऊन आपल्या घरातील गणेशोत्सवाची परंपरा, माहिती व छायाचित्रांची नोंद करावी, असे आवाहन जिल्हा प्रशासनाद्वारे करण्यात आले आहे.

🏆 नोंदणी करणाऱ्या प्रत्येक कुटुंबाला प्रमाणपत्र

आपल्या गणेशोत्सवाची माहिती यशस्वीरीत्या सादर करणाऱ्या प्रत्येक कुटुंबाला सांस्कृतिक कार्य विभागाकडून त्यांच्या नावाने अधिकृत प्रमाणपत्र देण्यात येणार आहे. नागरिकांनी हे प्रमाणपत्र सोशल मीडियावर #घरोघरीबाप्पा आणि #GharoGhariBappa या हॅशटॅगसह शेअर करण्याचे आवाहन जिल्हा प्रशासनाकडून करण्यात आले आहे.

🆓 नोंदणी पूर्णतः मोफत

या उपक्रमातील सहभाग व नोंदणी पूर्णतः मोफत आहे. नागरिकांना +91 91361 72681 या क्रमांकावर व्हॉट्सॲप संदेश पाठवून किंवा Bappa.org अथवा क्युआर कोडद्वारे या संकेतस्थळावरून नोंदणी करता येईल.

🌐 राज्य शासनाने गणेशोत्सवाला राज्य महोत्सव म्हणून घोषित केले आहे. स्थानिक मंडळांद्वारे राबविण्यात येणाऱ्या विविध सांस्कृतिक व प्रबोधनपर उपक्रमांना आंतरराष्ट्रीय व्यासपीठ उपलब्ध व्हावे, यासाठी शासनाने बाप्पा डॉट ओआरजी हे संकेतस्थळ निर्माण केले असून यावर प्रत्येक गणेश मंडळांनी आपली नोंदणी करावी.

📊 नोंदणीची प्रगती जिल्हानिहाय राज्यस्तरीय डॅशबोर्डवर नोंदविण्यात येणार आहे.

🌺 वाशिम जिल्ह्यातील अधिकाधिक कुटुंबांनी आपल्या गणेशोत्सवाच्या परंपरा डिजिटल स्वरूपात जतन करण्याच्या या उपक्रमात सहभागी व्हावे, असे आवाहन जिल्हा प्रशासनाकडून करण्यात आले आहे.

#घरोघरीबाप्पा #GharoGhariBappa #BappaOrg #गणेशोत्सव२०२६ #राज्यमहोत्सव #गणेशोत्सवपरंपरा #डिजिटलदस्तऐवजीकरण #वाशिम #जिल्हाप्रशासन

#लोकसंवाद२०२६

Search This Blog

जिल्हा माहिती कार्यालय, वाशिम

Comments

Post a Comment

Popular posts from this blog

जिल्हा रुग्णालयात पुरुष नसबंदी पंधरवाडा साजरा

मतदान ओळखपत्राला पर्यायी ११ कागदपत्रांची यादी जाहीर