🗳️ मतदार नोंदणीसाठी १९, २०, २६ व २७ सप्टेंबर रोजी विशेष शिबिरांचे आयोजन

September 17, 2026

📍 वाशिम, दि. १७ सप्टेंबर (जिमाका) : भारत निवडणूक आयोगाच्या निर्देशानुसार महाराष्ट्र राज्यात विशेष सखोल पुनरिक्षण कार्यक्रम-२०२६ अंतर्गत मतदार यादी अद्ययावत करण्याची कार्यवाही सुरू आहे.

या कार्यक्रमांतर्गत नागरिकांना नवीन मतदार म्हणून नोंदणी करणे, मतदार यादीतील विद्यमान नोंदींमध्ये दुरुस्ती करणे तसेच नाव वगळणीसाठी अर्ज करण्याची सुविधा उपलब्ध करून देण्यात आली आहे. त्‍याकरीता नमुना ६, ७ व ८ पुरेशा प्रमाणात स्‍थानिक मतदान केंद्रस्‍तरीय अधिकारी यांच्‍याकडे उपलब्‍ध करुन देण्‍यात येत आहेत.

📅 विशेष मतदार नोंदणी शिबिरे

राज्यातील सर्व मतदान केंद्रांवर दि. १९, २०, २६ आणि २७ सप्टेंबर २०२६ रोजी विशेष मतदार नोंदणी शिबिरांचे आयोजन करण्यात येणार आहे.

⏰ या दिवशी संबंधित मतदान केंद्रस्तरीय अधिकारी (बीएलओ) सकाळी १० ते सायंकाळी ६ वाजेपर्यंत नियुक्त मतदान केंद्रांवर उपस्थित राहतील.

📝 विशेष शिबिरांमध्ये नागरिकांना पुढील सुविधा उपलब्ध करून देण्यात येतील :

🔹 पात्र नागरिकांची नवीन मतदार म्हणून नोंदणी करण्यासाठी अर्ज स्वीकारणे.

🔹 मतदार यादीतील विद्यमान नोंदींमध्ये आवश्यक दुरुस्ती करण्यासाठी अर्ज स्वीकारणे.

🔹 मतदार यादीतील नाव वगळण्यासाठी अर्ज स्वीकारणे.

🔹 पात्र नागरिकांना मतदार यादीत नाव समाविष्ट करण्यासाठी आवश्यक मार्गदर्शन करणे.

🔹 शिबिरांमध्ये महिला तसेच दिव्यांग नागरिकांच्या समावेशकतेसाठी विशेष प्राधान्य देणे.

📌 या कालावधीत नागरिकांनी नवीन मतदार नोंदणी तसेच मतदार यादीतील नोंदींची दुरुस्ती व नाव वगळणीसाठी उपलब्ध सुविधांचा लाभ घ्यावा.

🎓 तसेच दि. १ ऑक्टोबर २०२६ रोजी किंवा त्यापूर्वी वयाची १८ वर्षे पूर्ण झालेल्या नवमतदारांना मतदार यादीत नाव समाविष्ट करण्याची सुविधा उपलब्ध करून देण्यात आली आहे. अशा पात्र तरुण नागरिकांनी विशेष शिबिरांचा लाभ घेऊन मतदार म्हणून नोंदणी करावी.

🏫 नवीन पात्र मतदारांची जास्तीत जास्त नोंदणी व्हावी यासाठी जिल्ह्यातील शाळा व महाविद्यालयांमध्येही विशेष शिबिरे आयोजित करून जनजागृती व नोंदणीची कार्यवाही करण्याचे निर्देश देण्यात आले आहेत.

🔎 नागरिकांनी आपल्या नावाची मतदार यादीतील नोंद तपासून, आवश्यक असल्यास संबंधित अर्ज भरून द्यावा.

पात्र एकही नागरिक मतदार नोंदणीपासून वंचित राहू नये, यासाठी सर्व संबंधित यंत्रणांनी विशेष प्रयत्न करावेत, असे आवाहन जिल्‍हाधिकारी योगेश कुंभेजकर यांनी केले आहे.

#मतदारनोंदणी #विशेषशिबिर #मतदारयादी #मतदारनोंदणी2026 #SIR2026 #वाशिम #निवडणूकआयोग #लोकशाही

Search This Blog

जिल्हा माहिती कार्यालय, वाशिम

🗳️ मतदार नोंदणीसाठी १९, २०, २६ व २७ सप्टेंबर रोजी विशेष शिबिरांचे आयोजन

Comments

Post a Comment

Popular posts from this blog

जिल्हा रुग्णालयात पुरुष नसबंदी पंधरवाडा साजरा

मतदान ओळखपत्राला पर्यायी ११ कागदपत्रांची यादी जाहीर