शाहू भगत यांचा उत्कृष्ट जिल्हा आपत्ती व्यवस्थापन अधिकारी म्हणून गौरव ..उत्कृष्ट कार्याची दखल,सन्मानपत्र देऊन कौतुक

शाहू भगत यांचा उत्कृष्ट जिल्हा आपत्ती व्यवस्थापन अधिकारी म्हणून गौरव

उत्कृष्ट कार्याची दखल,सन्मानपत्र देऊन कौतुक

 

वाशिम दि.२(जिमाका) कारंजा तालुक्यातील औरंगपूर या अगदी छोट्याशा गावातील रहिवासी असलेले जिल्हा आपत्ती व्यवस्थापन अधिकारी शाहू भगत यांचा नुकताच उत्कृष्ट जिल्हा आपत्ती व्यवस्थापन अधिकारी म्हणून गौरव करण्यात आला. संचालक,आपत्ती व्यवस्थापन मदत पुनर्वसन विभाग मंत्रालय,मुंबई यांच्याकडून त्यांच्या उत्कृष्ट कार्याची दखल घेऊन ३१ जानेवारी रोजी त्यांना सन्मानपत्र देण्यात आले.

              शाहू भगत हे मागील तीन वर्षापासून जिल्ह्यात जिल्हा आपत्ती व्यवस्थापन अधिकारी म्हणून कार्यरत आहे.जिल्ह्यात पूर परिस्थिती असो, किंवा आपत्कालीन परिस्थिती या परिस्थितीवर मात करण्यासाठी सदैव  तत्पर असतात.सामाजिक कार्यात देखील ते अग्रेसर असतात. त्यांच्या या उत्कृष्ट कार्याची दखल घेऊन त्यांना उत्कृष्ट जिल्हा आपत्ती व्यवस्थापन अधिकारी म्हणून गौरविण्यात आले.  विविध ठिकाणी शिबिरे आयोजित करून जनजागृतीवर भर हे आपत्ती जोखीम कमी करण्याच्या उपक्रमांसाठी वचनबद्धतेचे आणि समर्पणाचे लक्षण आहे.डीडीएमपी गतिशील असणे आवश्यक आहे आणि आपत्कालीन परिस्थितींना तोंड देण्यासाठी स्थानिक स्थिती पूर्ण करणे आवश्यक आहे.त्यामुळे काय करावे आणि काय करू नये याच्या प्रसाराच्या दृष्टीने तुमची सक्रिय भूमिका आणि पुढाकार जनतेला वेळेत तयार होण्यासाठी किंवा प्रभाव कमी करण्यासाठी तसेच सज्जता उपक्रम राबविण्यासाठी कौतुकास्पद आहे. तुमच्या प्रभावी समन्वयामुळे आणि संभाषण क्षमतेमुळे आणि तुमच्या अधिकारक्षेत्रातील योजना सर्व स्तरांवर व्यवहार्य ठेवण्यासाठी अथक प्रयत्न केल्यामुळे हे शक्य झाले आहे. राष्ट्रीय आपत्ती व्यवस्थापन कृती आराखड्याच्या अनुषंगाने आणि राज्याच्या धोरणांच्या अनुषंगाने स्थानिक समस्यांना सामोरे जाण्यास एनजीओ आणि समुदायाच्या सहभागाचा शोध घेणे,आयटीचा साधन म्हणून वापर करणे यासाठी भविष्यात तुम्ही सातत्याने समर्पित आहात हे पाहण्यासाठी  उत्सुक असल्याचे सन्मान पत्रात नमूद करण्यात आले आहे.