सार्वजनिक वितरण व्यवस्थेअंतर्गत माहे-नोव्हेंबरमध्ये लाभार्थ्यांना मिळणार धान्य *परिमाण व दर निश्चित

सार्वजनिक वितरण व्यवस्थेअंतर्गत 

माहे-नोव्हेंबरमध्ये लाभार्थ्यांना मिळणार धान्य 

      *परिमाण व दर निश्चित

वाशिम दि.३०(जिमाका) - सार्वजनिक वितरण व्यवस्थेअंतर्गत जिल्ह्यातील  शिधापत्रिकाधारकांना ई- पॉसद्वारे योजनानिहाय धान्याचे वितरण करण्यात येते. नोव्हेंबर २०२१ करीता जिल्ह्यात अंत्योदय अन्न योजना, प्राधान्य कुटुंब योजना,एपीएल केशरी शिधापत्रिकाधारक शेतकरी व प्रधानमंत्री गरीब कल्याण अन्न योजनेकरिता धान्य परिमाण आणि धान्याचे दर याप्रमाणे लाभार्थ्यांना पुढीलप्रमाणे धान्याचे वितरण करण्यात येणार आहे.

     अंत्योदय अन्न योजना (प्रति कार्ड) -  १५ किलो गहू दोन रुपये प्रति किलो,२० किलो तांदूळ तीन रुपये प्रति किलो आणि एक किलो साखर वीस रुपये प्रति किलो. प्राधान्य योजना (प्रति लाभार्थी) - तीन किलो गहू दोन रुपये प्रति किलो, दोन किलो तांदूळ तीन रुपये प्रति किलोप्रमाणे. एपीएल शेतकरी योजना (प्रति व्यक्ती) - चार किलो गहू दोन रुपये प्रति किलो प्रमाणे, एक किलो तांदूळ तीन रुपये प्रति किलो,प्रधानमंत्री गरीब कल्याण अन्न योजना अर्थात अंत्योदय योजना (प्रति व्यक्ती ) - तीन किलो गहू व दोन किलो तांदूळ मोफत आणि  प्रधानमंत्री गरीब कल्याण अन्न योजना अर्थात प्राधान्य कुटुंब योजना (प्रति व्यक्ती) -  तीन किलो गहू व दोन किलो तांदूळ  मोफत लाभार्थ्यांना मिळणार आहे. तरी जिल्ह्यातील सर्व शिधापत्रिकाधारकांनी याची नोंद घ्यावी. असे जिल्हा पुरवठा अधिकारी वाशिम यांनी कळविले आहे.