पुण्यश्लोक अहिल्यादेवी होळकर शेतकरी कर्जमुक्ती योजनेसाठी आधार व अॅग्रीस्टॅक नोंदणी अनिवार्य

🌾 शेतकऱ्यांसाठी महत्त्वाची सूचना!

पुण्यश्लोक अहिल्यादेवी होळकर शेतकरी कर्जमुक्ती योजनेसाठी आधार व अॅग्रीस्टॅक नोंदणी अनिवार्य

राज्य शासनाने जाहीर केलेल्या पुण्यश्लोक अहिल्यादेवी होळकर शेतकरी कर्जमुक्ती योजना, २०२६ अंतर्गत पात्र शेतकऱ्यांना थकीत पीक कर्जातून मोठा दिलासा मिळणार आहे. मात्र या योजनेचा लाभ घेण्यासाठी आधार क्रमांक आणि अॅग्रीस्टॅक आयडीची नोंदणी अनिवार्य करण्यात आली आहे.

📌 योजनेतील प्रमुख लाभ :

✅ १ एप्रिल २०१९ ते ३१ मार्च २०२५ दरम्यान घेतलेले आणि ३० सप्टेंबर २०२५ अखेर थकीत असलेले पीक कर्ज पात्र ठरणार.

✅ ३१ मार्च २०२६ पर्यंत परतफेड न झालेल्या कर्जाच्या थकबाकीवर मुद्दल व व्याजासह कमाल २ लाख रुपयांपर्यंत लाभ.

✅ महात्मा जोतिराव फुले शेतकरी कर्जमुक्ती योजना, २०१९ चा लाभ घेतलेल्या शेतकऱ्यांना ५० हजार रुपयांपर्यंत अतिरिक्त लाभ.

✅ सन २०२२-२३, २०२३-२४ आणि २०२४-२५ या तीन आर्थिक वर्षांपैकी कोणत्याही दोन वर्षांत पीक कर्जाची नियमित परतफेड करणाऱ्या शेतकऱ्यांना ५० हजार रुपयांपर्यंत प्रोत्साहनपर लाभ.

📋 शेतकऱ्यांनी काय करावे?

🔹 आधार क्रमांक आणि अॅग्रीस्टॅक आयडीची माहिती संबंधित बँक शाखा किंवा सेवा सहकारी संस्थेकडे तात्काळ जमा करावी.

🔹 अॅग्रीस्टॅक नोंदणी अद्याप पूर्ण नसल्यास ती त्वरित करून घ्यावी.

🔹 आवश्यक कागदपत्रे वेळेत सादर करून योजनेचा लाभ सुनिश्चित करावा.

🗣️ जिल्हाधिकारी योगेश कुंभेजकर यांचे आवाहन

"पात्र शेतकऱ्यांनी आधार व अॅग्रीस्टॅक संबंधित माहिती तात्काळ बँकांकडे सादर करून शासनाच्या या महत्त्वपूर्ण कर्जमुक्ती उपक्रमाचा लाभ घ्यावा."

🌱 शेतकऱ्यांच्या आर्थिक सक्षमीकरणासाठी शासनाची महत्त्वपूर्ण योजना... लाभापासून वंचित राहू नका!

#पुण्यश्लोक_अहिल्यादेवी_होळकर_शेतकरी_कर्जमुक्ती_योजना

#शेतकरीहित

#कर्जमुक्ती_योजना

#AgriStack

#Washim

#जिल्हाप्रशासन_वाशिम

#शेतकरी_कल्याण