महिला सक्षमीकरणाचा नवा आदर्श ‘सीएमईजीपी’ योजनेतून मुक्ताताई घुगे यांची प्रेरणादायी यशोगाथा


महिला सक्षमीकरणाचा नवा आदर्श

 ‘सीएमईजीपी’ योजनेतून मुक्ताताई घुगे यांची प्रेरणादायी यशोगाथा

वाशिम, (जिमाका)
महिला सक्षमीकरण ही संकल्पना आत्मनिर्भरतेकडे नेणारी एक सशक्त चळवळ आहे. स्वतःच्या कर्तृत्वावर उभे राहत इतरांनाही रोजगार देणाऱ्या महिलांची संख्या वाढत आहे, हीच या परिवर्तनाची खरी ओळख ठरत आहे.

याचाच प्रत्यय वाशिम जिल्ह्यातील मालेगाव तालुक्यातील राजुरा येथील उद्योजिका मुक्ता अमित घुगे यांच्या यशोगाथेतून येतो.
 मुख्यमंत्री रोजगार निर्मिती कार्यक्रम योजनेच्या माध्यमातून त्यांनी स्वतःचा उद्योग उभारून आर्थिक स्वावलंबनाचा आदर्श निर्माण केला आहे.

मुक्ता घुगे या गेल्या दोन वर्षांपासून स्क्रब घासणी व्यवसाय करत होत्या. सुरुवातीच्या काळात अपेक्षित यश मिळाले नाही, तरीही त्यांनी हार न मानता नव्या उमेदीने पुढे जाण्याचा निर्णय घेतला.

 उद्योग संचालनालय, उद्योग विभाग, महाराष्ट्र शासनाच्या सीएमईजीपी योजनेची माहिती मिळाल्यानंतर त्यांनी जिल्हा उद्योग केंद्राच्या महाव्यवस्थापक श्रीमती पुनम घूले यांच्या मार्गदर्शनाखाली नव्याने उद्योग उभारण्याचा निर्धार केला.

या योजनेअंतर्गत त्यांनी ‘समर्थ इंडस्ट्रीज, राजुरा’ या नावाने उत्पादन उद्योग सुरू केला. घासणी उत्पादन हा त्यांचा मुख्य व्यवसाय असून, स्थानिक बाजारपेठेत त्यांच्या उत्पादनांना चांगली मागणी निर्माण झाली आहे. एकूण १९ लाख रुपयांच्या प्रकल्पातून त्यांनी उद्योग सुरू केला असून, त्यासाठी १८ लाख ५ हजार रुपये बँक कर्ज, ९५ हजार रुपये स्वगुंतवणूक आणि ६ लाख ६५ हजार रुपये अनुदान मिळाले आहे.

उद्योग सुरू झाल्यापासून त्यांच्या युनिटने उल्लेखनीय प्रगती साधली आहे. सध्या या उद्योगातून दरवर्षी सुमारे ४० लाख रुपयांची उलाढाल होत असून, निव्वळ वार्षिक नफा सुमारे २५ लाख रुपयांपर्यंत पोहोचला आहे. या उद्योगामुळे ४ जणांना थेट रोजगार उपलब्ध झाला आहे, ज्यामध्ये कुशल व अकुशल कामगारांचा समावेश आहे.

मुक्ता घुगे सांगतात की, सुरुवातीला अडचणी आल्या, पण मुख्यमंत्री रोजगार निर्मिती कार्यक्रम या योजनेमुळे नव्याने उभे राहण्याची संधी मिळाली. आज माझ्या उद्योगाने केवळ मला स्वावलंबी न बनवता इतरांनाही रोजगार दिला आहे.

 शासनाच्या या योजनेमुळे आमच्यासारख्या सामान्य लोकांना स्वतःच्या पायावर उभे राहण्याची ताकद मिळाली आहे.

त्यांच्या या यशामुळे ग्रामीण भागातील महिलांसाठी आणि नवउद्योजकांसाठी नवा मार्ग खुला झाला असून, शासनाच्या योजनांचा योग्य उपयोग केल्यास यश निश्चित मिळू शकते, याचे हे उत्तम उदाहरण ठरत आहे.

#NariShaktiVandan #नारीशक्तीवंदन #महिला_सक्षमीकरण #WomenEmpowerment #समाज_विकास

Comments

Post a Comment

Popular posts from this blog

भोगवटादार वर्ग-२ जमिनीचे वर्ग-१ रूपांतरणासाठी ३१ डिसेंबर २०२५ पर्यंत अधिमुल्य रक्कम भरण्यास सवलत जास्तीत जास्त नागरिकांनी या संधीचा लाभ घ्यावा जिल्हाधिकारी योगेश कुंभेजकर

Image
*विशेष वृत्त*:  भोगवटादार वर्ग-२ जमिनीचे वर्ग-१ रूपांतरणासाठी ३१ डिसेंबर २०२५ पर्यंत अधिमुल्य रक्कम भरण्यास सवलत जास्तीत जास्त नागरिकांनी या संधीचा लाभ घ्यावा        जिल्हाधिकारी योगेश कुंभेजकर   वाशिम, (जिमाका) शासनाने भोगवटादार वर्ग-२ जमिनीचे वर्ग-१ मध्ये रूपांतरणासाठी महसूल व वनविभागाच्या अधिसुचनेनुसार दि.४ मार्च २०२५ नुसार महाराष्ट्र शासन राजपत्रात सुचना जारी करण्यात आली आहे.त्यानुसार ३१ डिसेंबर २०२५ पर्यंत अर्ज करणाऱ्यांना विशेष सवलत मिळणार आहे. जास्तीत जास्त नागरिकांनी या संधीचा लाभ घ्यावा.असे आवाहन जिल्हाधिकारी योगेश कुंभेजकर यांनी केले आहे. *सवलतीचे मुख्य मुद्दे*:   कृषिक प्रयोजनासाठी भोगवटादार वर्ग २ धारणाधिकार किंवा भाडेपट्ट्याने प्रदान केलेल्या जमिनीचे भोगवटादार वर्ग १ मध्ये रूपांतरणासाठी अधिमूल्य रक्कमेत ३१ डिसेंबर पर्यंत सवलत मिळणार आहे. नगरपंचायत/नगरपरिषद/ विशेष नियोजन प्राधिकरणाच्या हद्दीबाहेरील कृषी प्रयोजनासाठी ज्या जमिनी शेती / ना विकास वापर विभागात स्थित आहेत.अश्या जमिनी रुपांतरणासाठी शेतीच्या दराप्रमाणे येणाऱ्या क...
Read more

मराठी साहित्य निर्मितीच्या सर्वच प्रांतात महिला साहित्यिकांचे महत्वपूर्ण योगदान - प्रा. लता जावळे

Image
·         जिल्हा न्यायालयात मराठी भाषा संवर्धन पंधरवडा वाशिम ,   दि .   ०५ :     मराठी साहित्य निर्मितीच्या सर्वच प्रांतात महिला साहित्यिकांनी विपुल लेखन केले आहे. त्यांचे हे लेखन मराठी साहित्याला समृद्ध करण्यामध्ये अतिशय महत्वपूर्ण योगदान देणारे असल्याचे प्रतिपादन प्रा. लता जावळे यांनी केले. जिल्हा विधी सेवा प्राधिकरण आणि वाशिम जिल्हा विधीज्ञ मंडळ यांच्यावतीने ‘मराठी भाषा संवर्धन पंधरवडा’निमित्ताने ५ जानेवारी रोजी आयोजित ‘ मराठी साहित्यामध्ये महिला साहित्यिकांचे योगदान ’ या विषयावर त्या बोलत होत्या. अध्यक्षस्थानी वरिष्ठ स्तर सह दिवाणी न्यायाधीश पी. एच. नेरकर होते. यावेळी प्रमुख पाहुणे म्हणून ॲड. शाम शेवलकर, ॲड. गणेशप्रसाद अवस्थी यांची उपस्थिती होती. प्रा. जावळे म्हणाल्या, सावित्रीबाई फुले यांनी महिलांसाठी शिक्षणाची कवाडे खुली करून दिल्यानंतर अनेक महिलांनी साहित्य निर्मितीत योगदान देण्यास सुरुवात केली. अगोदर केवळ बोली स्वरुपात असलेली लोकगीते, गाणी शब्द रुपात आली. साहित्याच्या माध्यमातून महिलांवर होणारा अन्याय, त्यांच...
Read more

वाशिम जिल्हा जात प्रमाणपत्र पडताळणी समिती कार्यान्वित

Image
·         आता जिल्हास्तरावर मिळणार जात पडताळणी प्रमाणपत्र वाशिम , दि . २१ : राज्य शासनाच्या सामाजिक न्याय व विशेष सहाय्य विभागाने जिल्हास्तरावर जात प्रमाणपत्र समिती स्थापन करण्याचे निर्देश दिले होते. त्यानुसार आजपासून वाशिम येथील डॉ. बाबासाहेब आंबेडकर सामाजिक न्याय भवन येथे वाशिम जिल्हा जात प्रमाणपत्र पडताळणी समितीचे कार्यालय सुरु झाले. समिती कार्यालयाचे उदघाटन समितीचे अध्यक्ष आय. एम. तिटकारे यांच्या हस्ते करण्यात आले. याप्रसंगी उपायुक्त तथा समितीचे सदस्य बी. डी. खंडाते, समाज कल्याण विभागाच्या सहाय्यक आयुक्त तथा समितीच्या सदस्य सचिव माया केदार, विशेष निरीक्षक श्री. मुसळे आदी उपस्थित होते. श्री. तिटकारे यांच्या हस्ते फीत कापून जात प्रमाणपत्र पडताळणी समितीच्या नागरी सुविधा केंद्राचे उदघाटन झाले. याप्रसंगी श्री. तिटकारे म्हणाले, लोकांच्या सोयीसाठी जिल्हास्तरावर जात प्रमाणपत्र पडताळणी समिती स्थापन करण्याचा निर्णय राज्य शासनाने घेतला आहे. त्यानुसार आजपासून वाशिम जिल्ह्यात ही समिती कार्यान्वयित झाली असून समितीचे दैनदिन कामकाज आता वाशिममध्य...
Read more