एड्स दिनाच्या रॅलीतून जनजागृतीचा संदेश



एड्स दिनाच्या रॅलीतून जनजागृतीचा संदेश

       वाशिम, दि. 01 (जिमाका) : जागतिक एड्स दिनानिमीत्त महाराष्ट्र राज्य एड्स नियंत्रण संस्था मुंबई अंतर्गत जिल्हा रुग्णालय वाशिमच्या वतीने आज १ डिसेंबर रोजी वाशिम शहरातून एड्सविषयक जनजागृतीकरीता रॅलीचे आयोजन करण्यात आले. रॅलीला जिल्हा शल्य चिकीत्सक डॉ. विजय काळबांडे, जिल्हा न्यायधीश व्हि.के.टेकवानी, जिल्हा क्षयरोग अधिकारी डॉ. देशपांडे व शासकीय नर्सिंग कॉलेजचे प्राचार्य डॉ.थोरात यांच्या प्रमुख उपस्थितीत रॅलीला हिरवा झेंडा दाखवून सुरुवात करण्यात आली.यावेळी वैद्यकीय अधिकारी डॉ.परभणकर, मेट्रन श्रीमती चव्हाण, श्रीमती हजारे व श्रीमती खंडारे यांची उपस्थिती होती.

          Equalize " "आपली एकता, आपली समानता एचआयव्हीसह जगणाऱ्यांकरीता " या घोषवाक्याने वाशिम शहर दुमदुमून गेले. रॅलीचा शुभारंभ जिल्हा रुग्णालयातून करण्यात आला व शहरातील मुख्य चौकांमधुन बसस्थानक मार्गाने जिल्हा क्रीडा संकुल येथे रॅलीचा समारोप झाला. महाविदयालयातील विद्यार्थ्यांच्या सहभागाने विविध पथनाटय व गितांचे आयोजन करण्यात आले. एचआयव्ही/ एडस या माहितीचे हस्तपत्रकांचा व एचआयव्ही प्रतिबंधक निरोध वाटप करण्यात आले. लोककलेच्या माध्यमातुन शाहीर मधुकर गायकवाड यांच्या चमूने पथनाटयाचे सादरीकरण केले. रॅलीमध्ये १ हजाराहून अधिक विद्यार्थ्यांनी सहभाग घेतला. रॅलीत सहभाग घेतलेल्या सर्वांना प्रमाणपत्र देण्यात आले.

          या रॅलीमध्ये श्री सरस्वती समाजकार्य महाविद्यालय, श्री. रामराव सरनाईक समाजकार्य महाविद्यालय, सावित्रीबाई फुले महाविद्यालय, श्री शिवाजी विद्यालय व महाविदयालय, सावित्रीबाई फुले नर्सिंग, माँ गंगा नर्सिंग स्कुल, नॅझरीन नर्सेस ट्रेनिंग कॉलेज, मदर टेरेसा नर्सिंग कॉलेज, शासकीय नर्सिंग कॉलेज, श्री तुळशीरामजी जाधव महाविद्यालय, राजर्षी शाहु नर्सिंग महाविद्यालयाचे विदयार्थी, श्री. गुणवंत शिक्षण संस्था. ज्ञानगंगा शिक्षण प्रसारक व बहुउददेशिय संस्था, विहान प्रकल्प, जिल्हा विधी व सेवा प्राधिकरण, आकाशवाणी विभाग, स्वयंशासन बहुददेशिय संस्था, श्री छत्रपती शिवाजी महाराज बहुददेशिय संस्था आणि वरिष्ठ व कनिष्ठ महाविद्यालये आणि सामजिक संस्था यांचा सहभाग होता.

          रॅलीच्या यशस्वीतेसाठी जिल्हा पर्यवेक्षक रवि भिसे, डी.आर मनवर, श्री. रत्नपारखी, अनिल राठोड, निलेश अल्लाडा, रामा कांबळे, श्रीमती आगाशे, श्रीमती अवचार, श्रीमती वानखेडे, श्री. मेसरे, श्रीमती मोरे, जिशा वरीद, स्वप्नील सरनाईक, शांताराम गायकवाड,श्री. पंकजकुमार,बाबाराव भगत, शुभम जैन,श्री.खंडारे, जिल्हा रुग्णालयातील सर्व कर्मचाऱ्यांनी परीश्रम घेतले. तसेच पोलीस प्रशासनाने रॅलीच्या मार्गाचे उत्तम नियोजन करुन सहकार्य केले. जिल्हा क्रीडा अधिकारी व कर्मचारी यांचे सहकार्य लाभले. सुत्रसंचालन समुपदेशक श्री. पंढरी देवळे यांनी केले. आभार श्री. मिलींद घुगे यांनी मानले.

*******


Comments

Post a Comment

Popular posts from this blog

विद्यार्थ्यांनी सांगितले लोकशाही आणि मतदानाचे महत्व !

Image
·         वक्तृत्व स्पर्धा, परिसंवादात मांडले विचार ·         ‘स्वीप’ अंतर्गत उपक्रमाला उत्स्फूर्त प्रतिसाद ·         सुमारे १८ हजार विद्यार्थ्यांनी घेतला सहभाग वाशिम , दि. १२ : ‘ मतदान हा आपल्याला मिळालेला बहुमूल्य अधिकार आहे , आपलं मत वाया घालवू नका , कोणतेही कारण न देता २१ ऑक्टोंबरला मतदान करा... ’ ‘ मतदान करताना जाती-धर्माचा विचार न करता योग्य उमेदवार निवडा... ’ ‘ आपलं मत विकू नका , प्रत्येक मत लोकशाहीची ताकद आहे , ते वाया घालवू नका... ’ असे विचार व्यक्त करून शालेय विद्यार्थ्यांनी मतदान आणि लोकशाही प्रक्रियेचे महत्व पटवून दिले. निमित्त होते जिल्हा निवडणूक यंत्रणेमार्फत ‘ स्वीप ’ अंतर्गत आयोजित वक्तृत्व स्पर्धा आणि परिसंवादाचे. जिल्हाधिकारी तथा जिल्हा निवडणूक अधिकारी हृषीकेश मोडक , जिल्हा परिषदेचे मुख्य कार्यकारी अधिकारी तथा ‘ स्वीप ’ चे नोडल अधिकारी दीपक कुमार मीना यांच्या मार्गदर्शनात शुक्रवारी जिल्ह्यातील शाळांमध्ये वक्तृत्व स्पर्धा आणि परिसंवाद आयोज...
Read more

मराठी साहित्य निर्मितीच्या सर्वच प्रांतात महिला साहित्यिकांचे महत्वपूर्ण योगदान - प्रा. लता जावळे

Image
·         जिल्हा न्यायालयात मराठी भाषा संवर्धन पंधरवडा वाशिम ,   दि .   ०५ :     मराठी साहित्य निर्मितीच्या सर्वच प्रांतात महिला साहित्यिकांनी विपुल लेखन केले आहे. त्यांचे हे लेखन मराठी साहित्याला समृद्ध करण्यामध्ये अतिशय महत्वपूर्ण योगदान देणारे असल्याचे प्रतिपादन प्रा. लता जावळे यांनी केले. जिल्हा विधी सेवा प्राधिकरण आणि वाशिम जिल्हा विधीज्ञ मंडळ यांच्यावतीने ‘मराठी भाषा संवर्धन पंधरवडा’निमित्ताने ५ जानेवारी रोजी आयोजित ‘ मराठी साहित्यामध्ये महिला साहित्यिकांचे योगदान ’ या विषयावर त्या बोलत होत्या. अध्यक्षस्थानी वरिष्ठ स्तर सह दिवाणी न्यायाधीश पी. एच. नेरकर होते. यावेळी प्रमुख पाहुणे म्हणून ॲड. शाम शेवलकर, ॲड. गणेशप्रसाद अवस्थी यांची उपस्थिती होती. प्रा. जावळे म्हणाल्या, सावित्रीबाई फुले यांनी महिलांसाठी शिक्षणाची कवाडे खुली करून दिल्यानंतर अनेक महिलांनी साहित्य निर्मितीत योगदान देण्यास सुरुवात केली. अगोदर केवळ बोली स्वरुपात असलेली लोकगीते, गाणी शब्द रुपात आली. साहित्याच्या माध्यमातून महिलांवर होणारा अन्याय, त्यांच...
Read more

वृक्ष दिंडीतून दिला वृक्ष लागवड, संवर्धनाचा संदेश

Image
·          ४ कोटी वृक्ष लागवड मोहिमेत सहभागी होण्याचे आवाहन ·          अभंग, भारूडातून वृक्षारोपणाविषयी जनजागृती वाशिम , दि . २९ :   राज्य शासनामार्फत ४ कोटी वृक्ष लागवड मोहिमेंतर्गत दि. १ ते ७ जुलै २०१७ या कालावधीत वृक्षारोपण करण्यात येणार आहे. सर्वसामान्य नागरिकांमध्ये वृक्ष लागवड व संवर्धनाविषयी जनजगृती करून त्यांना वृक्षलागवड मोहिमेत सहभागी होण्याचे आवाहन करण्यासाठी आज जिल्हा प्रशासनाच्यावतीने वृक्ष दिंडी काढण्यात आली. यावेळी जिल्हाधिकारी राहुल द्विवेदी, जिल्हा परिषदेचे मुख्य कार्यकारी अधिकारी गणेश पाटील, जिल्हा पोलीस अधीक्षक मोक्षदा पाटील यांच्या हस्ते हिरवी झेंडी दाखवून जिल्हाधिकारी कार्यालय परिसरातून वृक्ष दिंडीला सुरुवात करण्यात आली. यावेळी जिल्हा परिषदेच्या कृषी व पशुसंवर्धन समितीचे सभापती विश्वनाथ सानप, अपर जिल्हाधिकारी डॉ. नंदकुमार बेडसे, रोहयोचे उपजिल्हाधिकारी सुनील कोरडे, जिल्हा परिषदेचे उपमुख्य कार्यकारी अधिकारी प्रमोद कापडे, जिल्हा आपत्ती व्यवस्थापन अधिकारी बाळासा...
Read more