“हिंद दी चादर” श्री गुरु तेग बहादुर साहिब जी न्याय व मानवतेच्या रक्षणासाठी बलिदान देणाऱ्या महापुरुषांचे नाव इतिहासात अजरामर असते. शीख गुरु परंपरेतील नववे गुरु श्री गुरु तेग बहादुर साहिब यांनी मानवता रक्षणासाठी आपले संपूर्ण आयुष्य वेचले. “हिंद दी चादर” म्हणजेच ‘भारतभूमीचे कवच’ अशी त्यांची अभिमानास्पद ओळख आहे. त्यांनी मानवता, स्वातंत्र्य, न्याय आणि सहिष्णुतेच्या रक्षणासाठी दिलेले बलिदान म्हणजे भारतीय संस्कृतीतील एक गौरवास्पद अध्याय आहे. श्री गुरु तेग बहादूर साहिबजी यांचा आदर्श बाळगणे हीच त्यांना खरी आदरांजली आहे.