विविध व्यावसयिक प्रशिक्षणासाठी अर्ज आमंत्रित

वाशिम, दि. १५ : महात्मा फुले मागासवर्ग विकास महामंडळाच्या वाशिम जिल्हा कार्यालयामार्फत सन २०१८-१९ मध्ये टू व्हीलर सर्व्हिसिंग, मोबाईल रिपेरिंग, रेफ्रिजरेशन, एअर कंडीशनर रिपेरिंग, मोटार रिवायडींग, फेब्रीकेटर-वेल्डिंग, रिटेल मॅनेजमेंट, फॅशन डिझायनिंग, संगणक प्रशिक्षण (डिप्लोमा इन जी.एस.टी), सौंदर्य प्रसाधने प्रशिक्षण देण्यात येणार आहे. या प्रशिक्षणाकरिता जिल्ह्यातील अनुसूचित जाती व नवबौध्द घटकातील १८ ते ४० वयोगटातील उमेदवारांची निवड करण्यात येणार आहे.

इच्छुक उमेदवारांनी कुटुंबाचे वार्षिक उत्पन्न १ लाख रुपयेपेक्षा कमी असल्याचे प्रमाणपत्र, रहिवासी दाखला, आधारकार्ड, जातीचे प्रमाणपत्र, रेशनकार्ड, निवडणूक कार्ड, शाळा सोडल्याचा दाखला, पासपोर्ट फोटो आदी कागदपत्रांसह परिपूर्ण अर्ज २२ नोव्हेंबर २०१८ पर्यंत महात्मा फुले मागासवर्ग विकास महामंडळाच्या वाशिम जिल्हा कार्यालयात सादर करावेत, असे महामंडळाचे जिल्हा व्यवस्थापक यांनी कळविले आहे.