ई ऑफीस' डिजिटल प्रशासनाच्या दिशेने महत्वपूर्ण पाऊल जिल्हाधिकारी योगेश कुंभेजकर 'ई ऑफीस' प्रणालीबाबत जिल्हाधिकारी कार्यालयात प्रशिक्षण संपन्न


'ई ऑफीस' डिजिटल प्रशासनाच्या दिशेने महत्वपूर्ण पाऊल 

        जिल्हाधिकारी योगेश कुंभेजकर

'ई ऑफीस' प्रणालीबाबत जिल्हाधिकारी कार्यालयात प्रशिक्षण संपन्न

वाशिम, दि. १४ ऑक्टोबर (जिमाका) शासकीय कामकाजात पारदर्शकता, वेग आणि कार्यक्षमता आणण्यासाठी जिल्हाधिकारी कार्यालय, वाशिम येथे आज दि.१४ ऑक्टोबर रोजी ई-ऑफिस प्रणालीबाबतचे प्रशिक्षण जिल्हाधिकारी योगेश कुंभेजकर यांच्या मार्गदर्शनाखाली संपन्न झाले.

या प्रशिक्षणामध्ये जिल्हाधिकारी कार्यालय तसेच विविध विभागांतील अधिकारी व कर्मचारी मोठ्या संख्येने सहभागी झाले. प्रशिक्षणात ई-ऑफिस प्रणालीचा उद्देश, फायदे, वापरण्याची पद्धत, फायलींचे डिजिटायझेशन, मंजुरी प्रक्रिया, दस्तऐवजांची नोंदणी आणि ट्रॅकिंग प्रणाली याबाबत सविस्तर मार्गदर्शन करण्यात आले.

यावेळी अपर जिल्हाधिकारी ब्रिजेश पाटील, निवासी उपजिल्हाधिकारी राजेंद्र जाधव, उपजिल्हाधिकारी विरेंद्र जाधव, कारंजा उपविभागीय अधिकारी कैलास देवरे, वाशिम उपविभागीय अधिकारी वैशाली देवकर तसेच सर्व तहसीलदार आणि सर्व गटविकास अधिकारी उपस्थित होते.

प्रशिक्षणादरम्यान जिल्हाधिकारी कुंभेजकर यांनी उपस्थितांना मार्गदर्शन करताना सांगितले की,

> “शासनाच्या कामकाजात वेग, पारदर्शकता आणि उत्तरदायित्व निर्माण करण्यासाठी ई-ऑफिस प्रणाली अत्यंत आवश्यक आहे. पारंपरिक कागदावर आधारित कार्यपद्धतीला डिजिटल रूप देऊन प्रत्येक अधिकारी-कर्मचाऱ्याने या प्रणालीचा प्रभावी वापर करणे गरजेचे आहे. डिजिटायझेशन हे आजच्या प्रशासनाचे मूलभूत अंग बनले असून, त्याद्वारे नागरिकांना अधिक तत्पर आणि अचूक सेवा देता येते,” असे त्यांनी स्पष्ट केले.

प्रशिक्षणादरम्यान डीपीएम राहुल काकड यांनी ई-ऑफिस प्रणालीचे प्रात्यक्षिक सादर करून उपस्थितांना प्रणालीतील सर्व टप्प्यांची माहिती दिली. ऑनलाईन फाईल तयार करणे, वरिष्ठ अधिकाऱ्यांकडे पाठविणे, मंजुरी मिळविणे आणि नोंदी ठेवण्याच्या प्रक्रियेचे सविस्तर प्रात्यक्षिक दाखविण्यात आले.

जिल्हाधिकारी कार्यालयातील सर्व शाखांना आता ई-ऑफिस प्रणालीवर काम करण्याचे निर्देश देण्यात आले असून, प्रत्येक कर्मचाऱ्याने या डिजिटल प्रक्रियेचे ज्ञान आत्मसात करून कार्यक्षमता वाढवावी, असे आवाहन करण्यात आले.

या प्रशिक्षणामुळे जिल्हा प्रशासनाच्या कामकाजात गती येणार असून, डिजिटल गव्हर्नन्सच्या दिशेने जिल्ह्याचे एक पाऊल असणार असल्याचे प्रतिपादन उपस्थित अधिकाऱ्यांनी केले.

Comments

Post a Comment

Popular posts from this blog

भोगवटादार वर्ग-२ जमिनीचे वर्ग-१ रूपांतरणासाठी ३१ डिसेंबर २०२५ पर्यंत अधिमुल्य रक्कम भरण्यास सवलत जास्तीत जास्त नागरिकांनी या संधीचा लाभ घ्यावा जिल्हाधिकारी योगेश कुंभेजकर

Image
*विशेष वृत्त*:  भोगवटादार वर्ग-२ जमिनीचे वर्ग-१ रूपांतरणासाठी ३१ डिसेंबर २०२५ पर्यंत अधिमुल्य रक्कम भरण्यास सवलत जास्तीत जास्त नागरिकांनी या संधीचा लाभ घ्यावा        जिल्हाधिकारी योगेश कुंभेजकर   वाशिम, (जिमाका) शासनाने भोगवटादार वर्ग-२ जमिनीचे वर्ग-१ मध्ये रूपांतरणासाठी महसूल व वनविभागाच्या अधिसुचनेनुसार दि.४ मार्च २०२५ नुसार महाराष्ट्र शासन राजपत्रात सुचना जारी करण्यात आली आहे.त्यानुसार ३१ डिसेंबर २०२५ पर्यंत अर्ज करणाऱ्यांना विशेष सवलत मिळणार आहे. जास्तीत जास्त नागरिकांनी या संधीचा लाभ घ्यावा.असे आवाहन जिल्हाधिकारी योगेश कुंभेजकर यांनी केले आहे. *सवलतीचे मुख्य मुद्दे*:   कृषिक प्रयोजनासाठी भोगवटादार वर्ग २ धारणाधिकार किंवा भाडेपट्ट्याने प्रदान केलेल्या जमिनीचे भोगवटादार वर्ग १ मध्ये रूपांतरणासाठी अधिमूल्य रक्कमेत ३१ डिसेंबर पर्यंत सवलत मिळणार आहे. नगरपंचायत/नगरपरिषद/ विशेष नियोजन प्राधिकरणाच्या हद्दीबाहेरील कृषी प्रयोजनासाठी ज्या जमिनी शेती / ना विकास वापर विभागात स्थित आहेत.अश्या जमिनी रुपांतरणासाठी शेतीच्या दराप्रमाणे येणाऱ्या क...
Read more

मराठी साहित्य निर्मितीच्या सर्वच प्रांतात महिला साहित्यिकांचे महत्वपूर्ण योगदान - प्रा. लता जावळे

Image
·         जिल्हा न्यायालयात मराठी भाषा संवर्धन पंधरवडा वाशिम ,   दि .   ०५ :     मराठी साहित्य निर्मितीच्या सर्वच प्रांतात महिला साहित्यिकांनी विपुल लेखन केले आहे. त्यांचे हे लेखन मराठी साहित्याला समृद्ध करण्यामध्ये अतिशय महत्वपूर्ण योगदान देणारे असल्याचे प्रतिपादन प्रा. लता जावळे यांनी केले. जिल्हा विधी सेवा प्राधिकरण आणि वाशिम जिल्हा विधीज्ञ मंडळ यांच्यावतीने ‘मराठी भाषा संवर्धन पंधरवडा’निमित्ताने ५ जानेवारी रोजी आयोजित ‘ मराठी साहित्यामध्ये महिला साहित्यिकांचे योगदान ’ या विषयावर त्या बोलत होत्या. अध्यक्षस्थानी वरिष्ठ स्तर सह दिवाणी न्यायाधीश पी. एच. नेरकर होते. यावेळी प्रमुख पाहुणे म्हणून ॲड. शाम शेवलकर, ॲड. गणेशप्रसाद अवस्थी यांची उपस्थिती होती. प्रा. जावळे म्हणाल्या, सावित्रीबाई फुले यांनी महिलांसाठी शिक्षणाची कवाडे खुली करून दिल्यानंतर अनेक महिलांनी साहित्य निर्मितीत योगदान देण्यास सुरुवात केली. अगोदर केवळ बोली स्वरुपात असलेली लोकगीते, गाणी शब्द रुपात आली. साहित्याच्या माध्यमातून महिलांवर होणारा अन्याय, त्यांच...
Read more

वाशिम जिल्हा जात प्रमाणपत्र पडताळणी समिती कार्यान्वित

Image
·         आता जिल्हास्तरावर मिळणार जात पडताळणी प्रमाणपत्र वाशिम , दि . २१ : राज्य शासनाच्या सामाजिक न्याय व विशेष सहाय्य विभागाने जिल्हास्तरावर जात प्रमाणपत्र समिती स्थापन करण्याचे निर्देश दिले होते. त्यानुसार आजपासून वाशिम येथील डॉ. बाबासाहेब आंबेडकर सामाजिक न्याय भवन येथे वाशिम जिल्हा जात प्रमाणपत्र पडताळणी समितीचे कार्यालय सुरु झाले. समिती कार्यालयाचे उदघाटन समितीचे अध्यक्ष आय. एम. तिटकारे यांच्या हस्ते करण्यात आले. याप्रसंगी उपायुक्त तथा समितीचे सदस्य बी. डी. खंडाते, समाज कल्याण विभागाच्या सहाय्यक आयुक्त तथा समितीच्या सदस्य सचिव माया केदार, विशेष निरीक्षक श्री. मुसळे आदी उपस्थित होते. श्री. तिटकारे यांच्या हस्ते फीत कापून जात प्रमाणपत्र पडताळणी समितीच्या नागरी सुविधा केंद्राचे उदघाटन झाले. याप्रसंगी श्री. तिटकारे म्हणाले, लोकांच्या सोयीसाठी जिल्हास्तरावर जात प्रमाणपत्र पडताळणी समिती स्थापन करण्याचा निर्णय राज्य शासनाने घेतला आहे. त्यानुसार आजपासून वाशिम जिल्ह्यात ही समिती कार्यान्वयित झाली असून समितीचे दैनदिन कामकाज आता वाशिममध्य...
Read more