🌾 २६ हजार ३३३ शेतकऱ्यांच्या खात्यात २२४ कोटी ८६ लाखांचा कर्जमुक्तीचा लाभ !

🌾 २६ हजार ३३३ शेतकऱ्यांच्या खात्यात २२४ कोटी ८६ लाखांचा कर्जमुक्तीचा लाभ!

पुण्यश्लोक अहिल्यादेवी होळकर शेतकरी कर्जमुक्ती योजना, २०२६

वाशिम जिल्ह्यातील पात्र शेतकऱ्यांना पुण्यश्लोक अहिल्यादेवी होळकर शेतकरी कर्जमुक्ती योजना, २०२६ अंतर्गत मोठा दिलासा मिळाला आहे.

आधार प्रमाणीकरणाची प्रक्रिया पूर्ण केलेल्या २६ हजार ३३३ पात्र शेतकऱ्यांच्या खात्यात एकूण २२४ कोटी ८६ लाख रुपयांची लाभाची रक्कम जमा झाली आहे.

मुख्यमंत्री देवेंद्र फडणवीस यांच्या हस्ते ७ ऑगस्ट २०२६ रोजी राज्यातील आधार प्रमाणीकरण पूर्ण केलेल्या पात्र लाभार्थी शेतकऱ्यांच्या खात्यात योजनेच्या लाभाची रक्कम वर्ग करण्यात आली.

📌 वाशिम जिल्ह्यातील लाभाची स्थिती

🔹 जिल्ह्यातील ६९४ गावांमधील ५४ हजार १०२ पात्र लाभार्थी शेतकऱ्यांची यादी प्रसिद्ध करण्यात आली आहे.

🔹 त्यापैकी ४३ हजार ६०८ शेतकऱ्यांनी आधार प्रमाणीकरण पूर्ण केले आहे.

🔹 आधार प्रमाणीकरण पूर्ण केलेल्या पात्र लाभार्थ्यांपैकी २६ हजार ३३३ शेतकऱ्यांच्या खात्यात २२४ कोटी ८६ लाख रुपये जमा झाले आहेत.

🔹 सेवा सहकारी संस्था अर्थात जिल्हा मध्यवर्ती सहकारी बँकेच्या १८ हजार ११४ सभासदांच्या खात्यात १४३ कोटी ८० लाख रुपये जमा झाले आहेत.

🔹 राष्ट्रीयकृत बँकांच्या ८ हजार २१९ सभासदांच्या खात्यात ८१ कोटी ६ लाख रुपयांचा लाभ जमा झाला आहे.

⚠️ आधार प्रमाणीकरण बाकी आहे?

योजनेचा लाभ मिळण्यासाठी अॅग्रीस्टॅक पोर्टलवर नोंदणी असणे तसेच पात्र लाभार्थ्यांनी आपला विशिष्ट क्रमांक व आधार क्रमांक घेऊन आपले सरकार सेवा केंद्रात आधार प्रमाणीकरण करणे आवश्यक आहे.

ज्या पात्र शेतकऱ्यांचे आधार प्रमाणीकरण अद्याप बाकी आहे, त्यांनी विलंब न करता आपले सरकार सेवा केंद्रात जाऊन आधार प्रमाणीकरणाची प्रक्रिया पूर्ण करून घ्यावी, असे आवाहन जिल्हाधिकारी योगेश कुंभेजकर आणि जिल्हा उपनिबंधक, सहकारी संस्था, वाशिम एम. एस. लटपटे यांनी केले आहे.

🌱 शेतकऱ्यांच्या आर्थिक आधाराला बळ देणारी कर्जमुक्तीची दिशा!

#पुण्यश्लोकअहिल्यादेवीहोळकर #शेतकरीकर्जमुक्तीयोजना #शेतकरी #कर्जमुक्ती #वाशिम #कृषी #अॅग्रीस्टॅक #आधारप्रमाणीकरण #शेतकरीकल्याण #शेतकऱ्यांचाविकास #महाराष्ट्रशासन #जिल्हामाहितीकार्यालयवाशिम