जिल्हा माहिती कार्यालय, वाशिम

भविष्यातील शाश्वत शेतीसाठी जननद्रव्यांचे जतन व पुनर्वापर गरजेचे - डॉ.ग्यानेंद्रप्रताप सिंग ज्वारीसह इतर तृणधान्य पिकात     यांत्रिकीकरणासह मूल्यवर्धन काळाची गरज - डॉ शरद गडाख  ज्वारी जननद्रव्य प्रक्षेत्र दिवस कार्यक्रम  वाशिम दि.14(जिमाका) बदलत्या जागतिक परिस्थितीत भारतीय शेती अधिक शाश्वत आणि फायदेशीर होण्यासाठी देशभरातील शेती संशोधक वर्ष गणिक मेहनत करीत आहे.पिकाच्या अधिक उत्पादनासाठी जननद्रव्यांचे जतन तसेच काल सुसंगत पुनर्वापर गरजेचा आहे.असे प्रतिपादन राष्ट्रीय पादप आनुवंशिक संशोधन ब्युरो,नवी दिल्लीचे निदेशक डॉ.ग्यानेंद्रप्रताप सिंग यांनी केले.         डॉ.पंजाबराव देशमुख कृषी विद्यापीठ अकोला,राष्ट्रीय पादप आनुवंशिक संशोधन ब्युरो,नवी दिल्ली आणि राष्ट्रीय तृणधान्य संशोधन संस्था,हैदराबाद यांचे संयुक्त वतीने कृषी संशोधन केंद्र,वाशिम येथे 13 मार्च रोजी आयोजित " ज्वारी जननद्रव्य प्रक्षेत्र दिवस " कार्यक्रमात प्रमुख अतिथी म्हणून डॉ. ग्यानेंद्रप्रताप बोलत होते.या कार्यक्रमाला देशभरातून उपस्थित तृणधान्य वर्गीय पिका...

16 मार्चला कृती संगम कार्यशाळा वाशिम दि.15 (जिमाका)कृषी तंत्रज्ञान व्यवस्थापन यंत्रणा (आत्मा) वाशिमच्या वतीने आत्मनिर्भर भारत योजनेअंतर्गत कृषी पायाभूत सुविधा निधी योजनेतून 16 मार्च रोजी सकाळी 11 वाजता नियोजन सभागृह,जिल्हाधिकारी कार्यालय वाशिम येथे कृती संगम कार्यशाळेचे आयोजन करण्यात आले आहे. कार्यक्रमाच्या अध्यक्षस्थानी जिल्हाधिकारी षण्मुगराजन एस.हे असतील. प्रमुख अतिथी म्हणून जिल्हा परिषदेच्या मुख्य कार्यकारी अधिकारी वसूमना पंत यांची उपस्थिती राहणार आहे.        कार्यशाळेला कृषी पायाभूत सुविधा निधी योजनेचे राज्य समन्वयक मेघनाथ कांबळे, जिल्हा अधीक्षक कृषी अधिकारी शंकर तोटावर, स्मार्ट प्रकल्पाचे नोडल अधिकारी संतोष वाळके,जिल्हा अग्रणी बँक व्यवस्थापक दिनेश बारापात्रे,नाबार्डचे जिल्हा विकास व्यवस्थापक शंकर कोकडवार,मत्स्यव्यवसाय विभागाचे सहायक आयुक्त मनोज जयस्वाल, रेशीम विकास अधिकारी सुनीलदत्त फडके,जिल्हा उद्योग केंद्राचे महाव्यवस्थापक संजय खांबाईत, पोकराचे विषय विशेतज्ञ मिलिंद अरगडे व जिल्हा संसाधन व्यक्ती गोपाल मुठाळ हे मार्गदर्शन करणार आहे. तरी या कार्यशाळेल...

अखिल भारतीय वन क्रीडा स्पर्धेत वन परीक्षेत्र अधिकारी पवन जाधव यांना धनुर्विद्येत सुवर्ण पदक  वाशिम दि.13 (जिमाका) पंचकुला (हरियाणा) येथे दिनांक ९ ते १४ मार्च २०२३ दरम्यान सुरु असलेल्या अखिल भारतीय वन क्रीडा स्पर्धेत धनुर्विद्या या क्रीडा प्रकारात महाराष्ट्र संघाचे प्रतिनिधित्व करत अकोला वन्यजीव परीक्षेत्राचे (काटेपूर्णा- कारंजा सोहळ अभयारण्य)  वन परीक्षेत्र अधिकारी पवन जाधव यांनी सुवर्ण पदक प्राप्त केले.          या स्पर्धा पंजाब विद्यापीठ मैदानावर पार पडल्या.पवन जाधव यांनी १८० गुणांपैकी १७० गुण प्राप्त करत सुवर्ण पदक प्राप्त केले.के. चंदन केरला यांनी १६५ गुण प्राप्त करत रौप्य पदक तर एम. जी. पसाया गुजरात यांनी १६० गुण प्राप्त करत कांस्य पदक प्राप्त केले. पारितोषिक वितरण समारंभ करिता श्री.विनित गर्ग पीसीसीएफ हरियाणा,श्री.कोमल शर्मा आयएफएस हरियाणा व इतर मान्यवर उपस्थित होते.        श्री. पवन जाधव यांनी याआधीसुद्धा धनुर्विद्येत अनेक राष्ट्रिय स्पर्धेत पदके प्राप्त केले असून राष्ट्रिय विक्रम सुद्धा त्यांच्या नावे आहेत.या स्प...

13 मार्च ज्वारी शेती दिनानिमित्त कार्यक्रम शेतकऱ्यांनी उपस्थित रहावे        वाशिम, दि. 10 (जिमाका) : प्रादेशिक कृषि संशोधन केंद्र, वाशिम या प्रक्षेत्रावर आंतरराष्ट्रीय पौष्टीक तृनधान्य वर्ष २०२३ च्या अनुषंगाने रब्बी हंगामात ज्वारीने विविध २५ हजार जनुकीय वाणाची लागवड केली आहे. एकाच ठिकाणी विविध प्रकारचे २५ हजार ज्वारीचे वाण पाहण्याची संधी उपलब्ध होणार आहे. हा प्रकल्प संपूर्ण भारतामधून एकमेव वाशिम येथे असून डॉ. पंजाबराव देशमुख कृषी विद्यापिठ, अकोलाचे कुलगुरु डॉ. गडाख यांच्या मार्गदर्शनाखाली संशोधन केंद्राचे प्रभारी अधिकारी डॉ. भरत गीते यांनी व्यवस्थापन केले आहे. त्याचाच एक भाग म्हणून १३ मार्च २०२३ रोजी सकाळी 10 वाजता ज्वारी शेती दिनाचे प्रक्षेत्रावर आयोजन करण्यात आले आहे. शेतकऱ्यांना शिवार फेरीसह ज्वारी पिकाबाबत तज्ञाचे मार्गदर्शन लाभणार आहे.            कार्यक्रमाला प्रधान सचिव (कृषि) एकनाथजी डवले, आयुक्त (कृषि) सुनील चव्हाण, डॉ. पंजाबराव देशमुख कृषी विद्यापिठाचे कुलगुरु शंकरराव गडाख व अमरावतीचे विभागीय कृषि सहसंचालक किसन मुळे ...

परिवर्तन चित्ररथाचा जिल्हाधिकाऱ्यांच्या हस्ते शुभारंभ         वाशिम, दि. 10 (जिमाका) :  सर्वसाधारण विविध महत्वपूर्ण योजनांची माहिती संबंधित घटकातील लाभार्थ्यांना व्हावी, यासाठी जिल्हा माहिती कार्यालयाने जिल्हा वार्षिक योजना (सर्वसाधारण) सन 2022-23 अंतर्गत तयार केलेल्या परिवर्तन चित्ररथाचा शुभारंभ जिल्हाधिकारी षण्मुगराजन एस. यांनी आज 10 मार्च रोजी जिल्हाधिकारी कार्यालय परिसरातील नियोजन भवन येथे चित्ररथाला हिरवा झेंडा दाखवून केला. यावेळी जिल्हा नियोजन अधिकारी सुनिता आंबरे, जिल्हा अधिक्षक कृषी अधिकारी शंकर तोटावार, जिल्हा माहिती अधिकारी विवेक खडसे व मानव विकास मिशनचे जिल्हा नियोजन अधिकारी राजेश सोनखासकर यांची प्रामुख्याने उपस्थिती होती.             परिवर्तन चित्ररथावर मुख्यमंत्री शाश्वत कृषी सिंचन योजनेअंतर्गत शेततळे, गोपीनाथ मुंडे शेतकरी अपघात विमा योजना, मनोधैर्य योजना, महात्मा ज्योतिराव फुले जन आरोग्‍य योजना व प्रधानमंत्री जन आरोग्य योजना, शुभमंगल सामुहिक विवाह योजना, मुख्यमंत्री रोजगार...