🩺 सेवा संकल्प अभियानांतर्गत पोहरादेवी येथे आरोग्य शिबिर

🩺 सेवा संकल्प अभियानांतर्गत पोहरादेवी येथे आरोग्य शिबिर

वाशिम, दि. १ ऑक्टोबर (जिमाका) : सेवा संकल्प अभियान २०२६ अंतर्गत संत सेवालाल महाराज शासकीय वैद्यकीय महाविद्यालय व जिल्हा सामान्य रुग्णालय, वाशिम यांच्या वतीने आज प्राथमिक आरोग्य केंद्र, पोहरादेवी, ता. मानोरा येथे आरोग्य शिबिराचे आयोजन करण्यात आले. शिबिरात उपस्थित नागरिकांची आरोग्य तपासणी करून त्यांना आवश्यक आरोग्य सेवा, औषधोपचार व आरोग्यविषयक मार्गदर्शन देण्यात आले.

🩺 कॅन्सर व मौखिक आरोग्य तपासणी

शिबिरादरम्यान महिला व नागरिकांची कॅन्सर तसेच मौखिक आरोग्य तपासणी करण्यात आली. संतुलित व पोषणयुक्त आहार, हिरव्या पालेभाज्या, फळे, कडधान्ये, दूध व इतर पौष्टिक पदार्थांचा आहारात समावेश करण्याचे आवाहन करण्यात आले. तसेच वैयक्तिक व सार्वजनिक स्वच्छता, नियमित हात धुणे आणि सुरक्षित अन्न सेवन याबाबत मार्गदर्शन करण्यात आले.

🤝 विविध आरोग्यविषयक बाबींवर जनजागृती

या उपक्रमातून रक्तदान, अवयवदान, दिव्यांगजन सहयोग, ज्येष्ठ नागरिकांची आरोग्य तपासणी, महिलांचे आरोग्य, पोषण व ॲनिमिया जागरूकता, व्यसनमुक्ती आणि स्वच्छता याबाबत नागरिकांमध्ये जनजागृती करण्यात आली. आरोग्य व पोषणासंदर्भात आवश्यक माहिती देऊन नागरिकांना उपलब्ध आरोग्य सेवांचा लाभ घेण्याबाबत मार्गदर्शन करण्यात आले.

👩‍⚕️ उपस्थिती

या आरोग्य शिबिरास डॉ. समीक्षा पराते, डॉ. धनंजय कवर, डॉ. रत्नपारखी, समाजसेवा अधीक्षक (वैद्यकीय) श्रीकांत आडे, एमपीडब्ल्यू संगीता वारकरी, परिचारिका शालिनी शेडके, परिचारिका रीना वानखडे, रवी ईगडे आणि संतोष ढोके उपस्थित होते.

#सेवा_संकल्प_अभियान #सेवा_संकल्प_अभियान२०२६ #आरोग्य_शिबिर #पोहरादेवी #मानोरा #वाशिम #आरोग्य_जनजागृती #महिलांचे_आरोग्य #पोषण #ॲनिमिया #कॅन्सर_तपासणी #मौखिक_आरोग्य #व्यसनमुक्ती #स्वच्छता #रक्तदान #अवयवदान