जिल्हा माहिती कार्यालय, वाशिम

वाशिम , दि. १७ : केंद्र शासनाच्या सांख्यिकी विभागामार्फत राष्ट्रव्यापी सातव्या आर्थिक गणनेचे काम हाती घेण्यात आले असून , या गणनेद्वारे देशामध्ये कार्यरत सर्व प्रकारच्या आर्थिक कार्यात गुंतलेल्या आस्थापनांची माहिती गोळा करण्यात येणार आहे. याअनुषंगाने आज   नियोजन भवन सभागृहात कार्यशाळा घेण्यात आली. निवासी उपजिल्हाधिकारी शैलेश हिंगे यांच्या हस्ते या कार्यशाळेचे उद्घाटन करण्यात आले. यावेळी जिल्हा सांख्यिकी अधिकारी ज. भा. अढाव , एनएसएसओ अकोलाचे वरिष्ठ सांख्यिकी अधिकारी एस. एन. मुळे, आर. पी. लिखार, कनिष्ठ सांख्यिकी अधिकारी दिव्या शर्मा, कॉमन सर्व्हिस सेंटरचे जिल्हा समन्वयक भगवंत कुलकर्णी, संजय यादव, श्रीकांत बोरसे, जिल्हा उद्योग केंद्रांचा श्री. ठाकरे उपस्थित होते. श्री. हिंगे म्हणाले, सातवी आर्थिक गणनेचे काम विहित कालावधीत व अचूकपणे पूर्ण होणे आवश्यक आहे. याकरिता सर्व संबंधितांनी आपली जबाबदारी काळजीपूर्वकपणे पार पाडावी. या कार्यशाळेत श्री. मुळे यांनी सातवी आर्थिक गणना विषयी संकल्पना , व्याप्ती , उद्दीष्टे , क्षेत्रिय कामाकाजाविषयी सविस्तर मार्गदर्शन केले. ग्रामीण व शह...

·          जिल्हाधिकाऱ्यांच्या हस्ते सरपंचांना पत्र सुपूर्द वाशिम , दि. १७ : येणाऱ्या   पावसाळ्यात पावसाच्या पाण्याचे जास्तीत जास्त संकलन व संचय करण्यासाठी प्रयत्न करण्याचे आवाहन प्रधानमंत्री नरेंद्र मोदी यांनी सर्व सरपंचांना पत्र लिहून केले आहे. प्रधानमंत्री श्री. मोदी यांच्या स्वाक्षरीचे हे पत्र जिल्हा प्रशासनामार्फत सर्व सरपंचांना सुपूर्द करण्यात येणार आहे. यानिमित्ताने जिल्ह्यात जलसंधारणाच्या कामांत स्वयंस्फूर्तीने पुढाकार घेतलेल्या गावांच्या सरपंचांना जिल्हाधिकारी हृषीकेश मोडक यांच्या हस्ते आज हे पत्र सुपूर्द करण्यात आले. जिल्हाधिकाऱ्यांच्या कक्षात कार्यक्रमास यावेळी निवासी उपजिल्हाधिकारी शैलेश हिंगे यांच्यासह सरपंच उपस्थित होते. प्रधानमंत्री श्री. मोदी यांनी सरपंचांना लिहिलेल्या पत्रात म्हटले आहे की, काही दिवसताच पावसाचे आगमन होणार आहे. आपण भाग्यवान आहोत की, आपल्या देशाला निसर्गाने पुरेसे पावसाचे पाणी दिले आहे. निसर्गाच्या या देणगीचा आधार करणे आपले कर्तव्य आहे. याकरिता पावसाचा कालावधी सुरु होताच आपल्याला अशा काही उपाययो...

21 जून आंतरराष्ट्रीय योग दिवस सकाळी 7 ते सकाळी 8 दरम्यान जिल्हयात आयोजन विविध सेवाभावी संस्थांचा सहभाग घेणार तालुका पातळीवर व 92 प्राथमिक आरोग्य उपकेंद्रावर आयोजन   वाशिम , दि . 17 : व्यक्तीच्या जीवनात शारीरिक आणि आत्मिक विकासासाठी योग विद्येचे महत्व आहे. हे महत्व ओळखून संयुक्त राष्ट्रसंघाने 21 जून हा दिवस आंतरराष्ट्रीय योग दिन म्हणून साजरा करण्याचे निश्चित केले आहे. जगातील 200 देशात हा दिवस साजरा करण्यात येतो. येत्या 21 जून रोजी जिल्हयातील ग्रामीण आणि शहरी भागात साजरा करण्यात येणाऱ्या योग दिनात सर्वांचा सहभाग अत्यंत महत्वाचा आहे. असे प्रतिपादन जिल्हाधिकारी हृषीकेश मोडक यांनी व्यक्त केले.       जिल्हाधिकारी कार्यालयातील वाकाटक सभागृहात आज 17 जून रोजी आंतरराष्ट्रीय योग दिनाच्या आयोजनासाठी आयोजित बैठकीत श्री. मोडक बोलत होते. यावेळी जिल्हा परिषदेचे मुख्य कार्यकारी अधिकारी दीपक कुमार मीना, अपर पोलीस अधीक्षक विजयकुमार चव्हाण, पतंजलीचे डॉ. भगवंत वानखेडे, आर्ट ऑफ लिव्हींगचे डॉ. हरीष बाहेती यांची प्रमुख उपस्थिती होती.     ...

प्रधानमंत्री कृषि सिंचाई योजना वाशिम , दि. १४ : केंद्र पुरस्कृत प्रधानमंत्री कृषि सिंचाई योजनेंतर्गत सन २०१९-२० मध्ये ठिबक व तुषार संचाकरिता अनुदान देण्यात येणार आहे. याकरिता शेतकऱ्यांनी ऑनलाईन अर्ज सादर करण्याचे आवाहन जिल्हा अधीक्षक कृषि अधिकारी यांनी केले आहे. शेतकऱ्यांनी ठिबक व तुषार संचासाठीचे ऑनलाईन अर्ज www.ethibak.gov.in या ई-ठिबक प्रणालीवर सादर करण्याची प्रक्रिया १ जून २०१९ पासून सुरु झाली आहे. जिल्ह्यात आतापर्यंत ५५ शेतकऱ्यांनी आपले अर्ज सादर केले आहेत. ठिबक व तुषार संच बसविण्यासाठी इच्छुक शेतकऱ्यांनी आपले ऑनलाईन अर्ज www.ethibak.gov.in या ई-ठिबक प्रणालीवर सादर करावेत. अर्ज करण्यासाठी शेतकऱ्यांकडे आधारकार्ड तसेच सातबारा , ८ अ व राष्ट्रीयकृत बँकेचे बचत खाते असणे आवश्यक आहे. तसेच अनुसूचित जाती व अनुसूचित जमाती प्रवर्गातील शेतकऱ्यांना त्यांच्या प्रवर्गातून अर्ज करण्यासाठी जात प्रमाणपत्र आवश्यक आहे. तालुका स्तरावर ऑनलाईन अर्ज प्राप्त झाल्यानंतर प्रस्तावाची छाननी करून लाभार्थी क्रमांक व प्रस्ताव क्रमांकाच्या अनुक्रमे व तालुकास्तरावर प्राप्त लक्षांकाच्या मर्यादेत ऑनलाईन ...

·          जिल्ह्यातून २०८८ परीक्षार्थी ·          ६ उपकेंद्रांवर होणार परीक्षा वाशिम , दि. १४ : महाराष्ट्र लोकसेवा आयोगाची महाराष्ट्र गट-क सेवा संयुक्त पूर्व परीक्षा- २०१९   रविवार , १६ जून २०१९ रोजी वाशिम शहरातील सहा परीक्षा उपकेंद्रांवर सकाळी १० वा. ते दुपारी १२ वाजेपर्यंत घेण्यात येणार आहे. जिल्ह्यातून २०८८ परीक्षार्थी ही परीक्षा देणार आहेत. वाशिम शहरातील राजस्थान महाविद्यालय , श्री शिवाजी हायस्कूल , एसएमसी इंग्लिश स्कूल , श्री बाकलीवाल विद्यालय , राणी लक्ष्मीबाई कन्या शाळा व जवाहर नवोदय विद्यालय या सहा उपकेंद्रांवर ही परीक्षा होत आहे. उमेदवारांनी परीक्षेसाठी प्रवेशप्रमाणपत्र आणणे सक्तीचे आहे. परीक्षेस येताना प्रवेशपत्रासोबतच स्वतःचे आधारकार्ड , निवडणूक ओळखपत्र , पॅनकार्ड , पासपोर्ट किंवा वाहन चालविण्याचा परवाना (फक्त स्मार्टकार्ड प्रकारचा) यापैकी कोणतेही एक मूळ ओळखपत्र व त्याची एक झेरॉक्स प्रत सोबत आणणे अनिवार्य आहे. मूळ ओळखपत्राच्या पुराव्याऐवजी त्याच्या छायांकित प्रती अथवा कलर झ...