💧 लोकसहभागातून कार्ली येथे वनराई बंधाऱ्याची निर्मिती !🌱 ‘पाणी अडवा, पाणी जिरवा’ मोहिमेला ग्रामस्थांचा उत्स्फूर्त प्रतिसाद; भूजल पुनर्भरणासाठी पुढाकार

💧 लोकसहभागातून कार्ली येथे वनराई बंधाऱ्याची निर्मिती !

🌱 ‘पाणी अडवा, पाणी जिरवा’ मोहिमेला ग्रामस्थांचा उत्स्फूर्त प्रतिसाद; भूजल पुनर्भरणासाठी पुढाकार

दुष्काळसदृश परिस्थितीवर मात करण्यासोबतच भूजल पातळीत वाढ व्हावी आणि पावसाचे पाणी अडवून जमिनीत मुरविण्यास प्रोत्साहन मिळावे, या उद्देशाने वरिष्ठ भूवैज्ञानिक कार्यालय, वाशिम यांच्या पुढाकारातून वाशिम तालुक्यातील कार्ली गावालगतच्या नाल्यावर लोकसहभागातून वनराई बंधाऱ्याची निर्मिती करण्यात आली.

भूजल सर्वेक्षण आणि विकास यंत्रणा, महाराष्ट्र राज्य, पुणे येथील आयुक्त रवींद्र खेबूडकर यांच्या संकल्पनेतून आणि अमरावती विभागाचे उपसंचालक चंद्रकांत भोयर यांच्या मार्गदर्शनाखाली हा उपक्रम राबविण्यात आला.

सरपंच व्ही. व्ही. मार्के, ग्रामपंचायत अधिकारी विनोद बोरकर आणि ग्रामस्थांच्या सहकार्याने श्रमदानातून बंधाऱ्याची निर्मिती करण्यात आली. यावेळी वरिष्ठ भूवैज्ञानिक वैभव श्रीरामे, सहायक भूवैज्ञानिक क्षितिज सोनटक्के, कनिष्ठ भूवैज्ञानिक सौरभ मोटघरे यांच्यासह कार्यालयातील कर्मचारी आणि ग्रामस्थांनी उत्स्फूर्त सहभाग नोंदविला.

लोकसहभागातून उभारलेला हा वनराई बंधारा जलसंधारणासोबतच भूजल पुनर्भरणाचे महत्त्व अधोरेखित करणारा उपक्रम ठरला आहे. पावसाचे पाणी अडवून जमिनीत जिरविण्यासाठी अशा उपक्रमांतून ग्रामस्थांचा सहभाग वाढणे ही काळाची गरज आहे.

💧 पाणी अडवा… पाणी जिरवा… भूजल वाढवा !

#जलसंधारण #वनराईबंधारा #लोकसहभाग #पाणीअडवापाणीजिरवा #भूजलपुनर्भरण #कार्ली #वाशिम

#जिएसडीए