जिल्हा माहिती कार्यालय, वाशिम

वाशिम जिल्ह्याच्या विकासाला गती देणार                        पालकमंत्री दत्तात्रय भरणे 'आकांक्षित' ही ओळख पुसण्याचा व्यक्त केला निर्धार  वाशिम, दि.२८ मार्च (जिमाका): जिल्ह्याचे नूतन पालकमंत्री तथा राज्याचे क्रीडा व युवक कल्याण, अल्पसंख्यांक विकास तसेच औकाफ मंत्री दत्तात्रय भरणे यांनी आज दि.२८ मार्च रोजी जिल्ह्यातील विकासकामांचा आढावा घेतला.      बैठकीला जिल्ह्याच्या विकासात महत्त्वाची भूमिका असलेल्या अनेक मान्यवरांची उपस्थिती होती. आमदार भावना गवळी, बाबूसिंग महाराज, श्याम खोडे, किरणराव सरनाईक, सई डाहाके यांच्यासह प्रशासनातील वरिष्ठ अधिकारी—जिल्हाधिकारी बुवनेश्वरी एस, उपवनसंरक्षक अभिजित वायकोस, जिल्हा पोलीस अधीक्षक अनुज तारे आणि मुख्य कार्यकारी अधिकारी वैभव वाघमारे उपस्थित होते.      त्यांनी आगामी गुढीपाडवा आणि रमजान ईदच्या सर्व जिल्हावासियांना हार्दिक शुभेच्छा दिल्या. दरम्यान जिल्हा आपत्ती व्यवस्थापन प्राधिकरणाच्या पॉम्पलेट पत्राचे विमोचन उपस्थित मान्यवरांनी...

वाशिमचा दुहेरी सन्मान! जिल्हाधिकारी बुवनेश्वरी एस. यांना प्रथम, पोलीस अधीक्षक अनुज तारे यांना द्वितीय राज्यस्तरीय पुरस्कार राजीव गांधी प्रशासकीय गतिमानता (प्रगती) अभियान व स्पर्धा २०२४-२०२५ वाशिम,दि.२६ मार्च २०२५ (जिमाका) जिल्ह्यासाठी आजचा दिवस अभिमानाचा ठरला आहे! महाराष्ट्र शासनाच्या "राजीव गांधी प्रशासकीय गतिमानता (प्रगती) अभियान व स्पर्धा २०२४-२०२५" अंतर्गत राज्यस्तरीय पुरस्कारांची घोषणा झाली असून  जिल्हाधिकारी बुवनेश्वरी  एस. आणि जिल्हा पोलीस अधीक्षक अनुज तारे यांच्या नेतृत्वाखाली उल्लेखनीय कामगिरी बजावली गेली आहे. जिल्हाधिकारी बुवनेश्वरी  एस. यांनी ‘मिशन डबलिंग फार्मर्स इन्कम’ या नाविन्यपूर्ण उपक्रमासाठी राज्यस्तरीय प्रथम क्रमांक पटकावला असून, त्यांना ५० हजार रुपयांचे रोख पारितोषिक प्रदान करण्यात येणार आहे, तर जिल्हा पोलीस अधीक्षक अनुज तारे यांनी कार्यालयीन व्यवस्थापन, अभिलेख कक्ष सुधारणा आणि पोलीस कल्याणकारी योजनांसाठी राज्यस्तरीय द्वितीय पुरस्कार मिळवला आहे. शेतकऱ्यांच्या प्रगतीसाठी ‘मिशन डबलिंग फार्मर्स इन्कम’ :   जिल्हाधिकारी बुव...

जलतारा योजना  पाणीटंचाईवर प्रभावी उपाय दहा आठवड्यात दहा लक्ष जलतारा उभारण्याचे निर्धार : जिल्हाधिकारी बुवनेश्वरी एस  वाशिम, दि. 13 मार्च (जिल्हा माहिती कार्यालय) – वाशिम जिल्ह्यातील पाणीटंचाई दूर करण्यासाठी जलतारा योजना प्रभावी ठरत आहे. या योजनेंतर्गत जिल्ह्यात पुढील 10 आठवड्यात 10 लाख जलतारा तयार करण्याचा निर्धार करण्यात आला आहे. जिल्हाधिकारी  बुवनेश्वरी एस. आणि उपविभागीय अधिकारी  वैशाली देवकर यांनी मौजे जनुना सोनवळ (ता. वाशिम) येथे भेट देऊन ग्रामस्थांना योजनेची माहिती दिली. त्यांनी शेतकऱ्यांशी संवाद साधून जलतारा उपक्रमाचे महत्त्व समजावून सांगितले.तसेच अग्रीस्टॅक योजनेतही सर्वांनी फार्मर आयडीची नोंदणी करून घेण्याबाबत आवाहन करण्यात आले.यावेळी जलतारा खोदणीच्या उपक्रमाचा शुभारंभ पूजन व श्रमदान करून करण्यात आला. जलतारा योजनेंमुळे भूजल पातळी वाढून पाण्याची टिकाऊ उपलब्धता राहणार आहे. शेतीसाठी सिंचनाची सुविधा उपलब्ध होईल, पावसाचे पाणी साठवता येईल आणि पाणीटंचाईच्या समस्येवर कायमस्वरूपी उपाय होणार आहे. याप्रसंगी तहसीलदार वाशीम...

वाशिम जिल्ह्यात जलतारा कामांना गती जिल्हाधिकाऱ्यांच्या हस्ते श्रमदान आणि जनजागृती वाशिम: 12 मार्च (जिल्हा माहिती कार्यालय) वाशिम जिल्ह्यात  जलतारा प्रकल्पांतर्गत पाणी व्यवस्थापनाची कामे युद्ध पातळीवर सुरू आहेत. या कामांना गती देण्यासाठी जिल्हा प्रशासनाने विशेष मोहीम हाती घेतली आहे. जिल्हाधिकाऱ्यांच्या उपस्थितीत विविध गावांमध्ये श्रमदान आणि जनजागृती कार्यक्रम आयोजित करण्यात येत आहेत. वाशिम तालुक्याच्या भटउमरा गावात जिल्हाधिकारी बुवनेश्वरी एस. यांच्या हस्ते आज जलतारा प्रकल्पांतर्गत सुरू असलेल्या कामांचे निरीक्षण करण्यात आले. त्यानंतर त्यांनी स्वतः श्रमदान करून गावकऱ्यांना प्रोत्साहित केले. यावेळी गावकऱ्यांनी दोन हजार जलतारा शोषखड्डे घेण्याचा संकल्प केला. या कार्यक्रमाला सरपंच गोदावरी काळे, आर्ट ऑफ लिव्हिंगचे डॉ. हरीश बाहेती, उपजिल्हाधिकारी  कैलास देवरे, तहसीलदार निलेश पळसकर, गटविकास अधिकारी रवींद्र सोनवणे, हभप श्रीकृष्ण महाराज राऊत, पाणी फाउंडेशनचे सुभाष नानोटे आणि अविनाश मारशेटवार यांची उपस्थिती होती. जिल्हाधिकारी बुवनेश्वरी एस. य...